Issittormiut: aalajangersagaliortoqarli

Silaannaap allanngoriartornerata issittumut kingunissai pillugit aalajangersagaliortoqarnissaanik Inuit Issittormiut Kattuffiat ICC, Naalagaaffiit Peqatigiit silaannaap allanngoriartornera pillugu aqqanilissaannik ataatsimeersuartitsinerani Canadami Montrealimi ingerlanneqartumi sorsuutiginnippoq. Nunatsinni ICC-p præsidentia Aqqaluk Lynge ataatsimeersuarnermi peqataasoq ima oqarpoq:

- Ataatsimeersuarnermi ICC-minngaanniit ukiuni kingullerni sorsuutigineqartoq, silaannaap allanngoriartorneranik issittormiut annertoorujussuarmik inuussutissarsiornikkut kulrikkullu eqqugaasut iluamik misisuiffigineqanngilaq ilisimaneranilu. Taanna pisoartanut nipituuliuutigaarput.

Nipituuliornerlu assut tusaaneqarluartoq Aqqaluk Lynge oqarpoq. Sheila Watt Cloutier ICC-p præsidentia tusaamaneqarnini aamma pissutigalugu ataatsimeersuarnermi peqataasoq annertuumik tusaaniarneqarnerarpaa.

Nunani issittumiittuni issittumilu naalagaaffeqartuniukiuni kingullerni sulissutigineqarsimavoq silaannaap allanngoriartorneranut iliuuseqartoqarnissaa. Suliniarnermi USA kisimi amigaataasoq Aqqaluk Lynge oqarpoq.

- Neriuppugut nunat taakku issittumiittut arfineq pingasut ataatsimoorlutik oqaaseqaasiorsinnaajumaartut nunarsuup sinnerani tusaaneqarsinnaasussamik misisuisistsinissat siunertaralugit.

ICC-mit neriuutigineqarpoq ataatsimeersuarnerup kinguneriumaaraa Issittumut immikkut nunattamalaat isumaqatigiisusiornissaat.

Silaannaap allanngoriartornera pillugu Montrealimi ataatsimmeersuarnermut nunat 185-it aallartitaqarput, issittormiut Ruslandimit Canadamit Alaskamit Saamit Nunaannit nunatsiniillu aallartitaqarput, taakku saniatigut Issittumi siunnersuisoqatigiit aamma aallartitaqarlutik. Ataatsimeersuarneq decembarip qeqqata tungaanut ingerlanneqassaaq.



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt