Arctic Umiaq Linep tunineqarneranik IA iluarinnippoq

Arctic Umiaq Linep tunineqarnerani isumaqartigiissut Inuit Ataqatigiinnit iluarisimaarneqarpoq.

Inuit Ataqatigiit siulittaasuat Aningaasanullu Naalakkersuisuungallartoq Josef Motzfeldt oqarpoq pissutsit tunuliaqutaasut aallaavigalugit isumaqatigiisut pitsaasuusoq.

Isumaqatigiissut akuerineqasappat qallunaat kattullutik ingerlatseqatigiiffiata Arctic Travel Group-ip 65 million koruunilerlugu Arctic Umiaq Line pisiarissavaat.

Isumaqatigiissut akuerineqassappat sinersortaatit umiarsuit ullumikkutut sineriammi apriilimiit septemberip tungaanut ilaasunik angallassisassapput.

Ilaasunik angallassinerup ukiup annersaani periarfissaajuaannarnissaa IA-p siulittaasuata iluarisimaarpaa:

- Umiarsuakkut angallannerup upernaamiit ukiamut periarfissaajuaannarnissaa pisortanit tapiissutitaqanngitsumik qujarutissaavoq, Josef Motzfeldt oqarpoq. Arctic Travel Group-ip ukiuunerani nunatsinni umiarsuarnik angallasineq aaqqiiviginiarlugu amerikamiunik isumaqatigiissuteqarsimapput.

- Arctic Travel Group amerikamiunik isumaqatigiisssuteqarsimapput ukiuunerani umiarsuarnik marlunnik nunatsinni angalisinnaasunik. Taamaaliornermikkut aningaasaqarnikkut illersorneqarsinnaasumik ingerlatsisinnaaallutik takutippaat.

Isumaqatigiissut immakkut angalannermik kisimi imaqanngilaq, aamma timmisartukkut angallassineq pisortat aningaasaaliiffigisassarinngisaannik imaqarpoq.

Islandimiit Ilulissanut Narsarsuarmut Nuummullu timmisartuussiisarnissat ammaanniarneqarput

-Timmisartunut ingerlaarfinnik nutaanik periarfissiisoqarnissaa qujarunneqartariaqarpoq, Josef Motzfeldt oqarpoq.

Isumaqatigiisut Arctic Umiaq Linep siulersuisuinit akuerineqareerpoq.

Isumaqatigiissut aqagu Naalakkersuisuugallartunit oqaluuserineqassaaq. Akuerineqassaguni Inatsisartut Aningaasaqarnermut Ataatsimiititaliaanit akuersissutigineqaqqassaaq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt