Nanoq sapaatip akunnerani uani Pituffimmi toqunniaannalerpaat

Københavnimi uumasuusivissuaq Piniarnermut Aalisarnermullu Pisortaqarfimmut ippassaq saaffiginnippoq, nanoq Pituffiup eqqaavissuata eqqaaniittoq uumasuusivissuarmi nannut inaanni inissaqartinneqartoq nalunaarutigalugu.

Nanoq Pituffiup eqqaavissuata eqqaanit qimagutinngikkuni aallaallugu toqunneqassava - imaluunniit sinissaammik aallaasinnaarlugu Københavnimi uumasuussivissuarmi inissaanukaanneqassava?

Apeqquteqaat sivitsunngitsoq akineqarpoq – sapaatiummat nalunaaqutaq sisamanut Pisortaqarfiup uumasuusivissuaq tusagassiutitigut allaffigalugu itigartippaa.

- Nanoq qaasuppallaaqaaq taamalu allisimatigereerami uumasuusivimmi pilertortumik sungiussisinnaajunnanngilaq, Pisortaqarfik allappoq.

Erik Born biologiuvoq Pinngortitaleriffimmilu nannut pillugit ilisimatuutut sulilluni. Itigartitsineq isumaqatigaa:

-Takusinnaasara malillugu nanoq ukiup pingajuata affaanik utoqqaassuseqarpoq. Nannut taama utoqqaatigileraangamik anaanatik qimattarpaat nammineernialerlutillu.

Uumasuusivissuup pisortaata Lars Lundingip Namminersornerullutik Oqartussat itigartitsissutaat tigoreerpaa aalajangernerlu akuersaarpaa:

- Pituffiup eqqaani nanoq biologip naliliinera naapertorlugu uumasuusivissuarmut inissinneqarsinnaanngilaq, Lars Lunding oqarpoq.

Arlaannilluunniit eqqasuuteqanngivilluni uumasuussivissuarmi uumasinnaagaluarpoq. .

Pituffimmit nalunaarutigineqarpoq nanoq ippassaq qimagussimasoq, ajoraluartumilli ualimut uteqqissimammat sapaatip akunnerata ingerlanerani toqunneqartariaqartoq Pituffimmi politiit pisortaat John Hansen nalunaaruteqarpoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt