Kalaallit angutitaasa anisuuat PCB-p toqunartuanik akoqannginneruvoq

Angutit kalaallit anisuuat nunanit Europameersut angutitaasa anisuuannut naleqqiullugu PCB-p toqunartuanik akoqannginnerusoq misissuinerup uissuumminaqisup paasinarsisippaa. Misissuinerup inernera nakorsaatit pillugit atuagassiami Human Reproductionimi tamanut ungasinngitsukkut saqqummiunneqassaaq.

PCB tassaavoq suliffissuarni sanaartukkanut atortussiassani akuutissaq siusinnerusukkut atorneqartartoq, avatangiisinut navianaateqarnera nerisassallu aqqutigalugit sunniuteqarsinnaanera paasineqarmat aatsaat atorneqarunnaartoq.

Akuutissap taassuma PCB-ip atorneqarnissaa nunani tamalaani 1977-imili inerteqqutaalerpoq. Nunalli killiit avatangiisiini sinnikut suli nassaarineqartarput, ilisimatuullu italiamiut misissuisimanerannut tamanna tunuliaqutavoq, angutit 700-it Sverigimiit, Polenimiit Ukrainimiit aamma Kalaallit Nunaanneersut anisuuminni PCB-mik qanoq akoqartiginersut misissuivigineqarsimallutik.

Misissuinerup inernera uissuumminartoq tassaavoq, akuutissap taassuma sinneri annertuut pigineqaraluartut, aamma kalaallit angutitaanni, angutit kalaallit 193-it misissorneqarsimasut anisuui angutit allaneersut anisuuinut naleqqiullugit akuutissamik taassuminnga imatorsuaq akoqanngitsut.

Misissuinermi pisortaasoq, italiamiu Marcello Spano, oqarpoq, misissuineq tunngavigalugu akissutinik ersarissunik pissarsinissartik naatsorsuutigisimagaluarlugu, taarsiulluguli apeqquterpassuit takkussuuttut, soorlu imaattut:

- Angutit kalaallit anisuuat angutit allaneersut anisuuannut naleqqiullugu sooq akuutissaqannginnerua?

Immaqa timip kingorngussaanut tunngasuniisinnaavoq, ilisimatuulli aamma isumaqarput kalaallit kalaaliminertortarnerat pissutaasinnaasoq, kalaalimerngimmi selenimik akulerujussuupput, internet aviisi Medpace naapertorlugu dr. Spano isumaliutersorpoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt