Arnat qineqqusaarnissamut piukkunnarsarput

Naligiissitaanermut siunnersuisoqatigiit aaqqissuussaanik arnat aqqaneq-marluk sinerissameersut politikkikkut sassarnissaannut piukkunnarsarniarlugit ullumimiit aallartittumik pikkorissarpaat.

Pikkorissarnerlu tamanna sisamanngorpat tungaanut ingerlanneqassaaq.

Ualimut iserfigaagut arnarpaaluit tiguartisimaaqalutik tusagassiutinut sassarnissaminnut sungiusartut, ningiuallu tusagassiummut sassartipparput.

”Pikkorissarnerminni tusagassiutit qanoq atorneqartarnerat ullumikkut ingerlattussaavaat. Aqagu Naalakkersuisoq Asii Narup nassuiaassaaq taamatut suliaqarluni qanoq innersoq. Aamma inatsisilerituumik aggertoqassaaq, peqqussutit, nalunaarutit, kaajallaasitat qanoq paasisariaqarnerinik nassuiaajartorluni. Ullunilu marlunni inuttut ineriartornermut tunngasumik pikkorissassapput”, taama Agathe Fontain oqarpoq.

Taassuma neriuutigaa sisamanngorpat naammassigunik arnat peqataasut tamarmik qineqqusaarnissartik aalajangiussimassagaat.

Pikkorissartut ilaat Tasiilameersoq Anna Kuitse Kúko Inatsisartunut qineqqusaartoqalerpat qineqqusaarnialersarpoq, sapiisissagunili imminullu tatiginerulissaguni pikkorissarneq taama ittoq pisariaqartippaa.

”Pikkorissarneq ullumi aatsaat aallartimmat maannamut sorpiaat ilikkagaqarfiginerlugit iluamik suli oqaatigisinnaanngilara. Sisamanngornerullu tungaanut ingerlasussaagatta taamanikkussamut nalunarumaanngilaq", Anna Kuitse Kúko oqarpoq.

Taassuma pingaartippaa taama sassassagaanni imminut tatiginerulernissaq ilikkaqqaartariaqartoq. Taamatuttaaq taassuma ilimagaa inatsisartunut qineqqusaartoqalerpat demokraatit tunuliaqutaralugit qineqqusaarnissi.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt