Naalakkersuisut nalornipput

Ilassinninnermut aningaasanik qaqugukkut atuisoqartassanersoq, maleruagassallu qanoq atuutissanersut, Inuit ataqatigiit sinnerlugit Naalakkersuisuusut nalornissutigaat.

Ilassinninnermut aningaasartuuteqartarneq qaqugukkut atuuttassanersoq kukkunersiuisut Deloitte, Nuna Advokatit, aammalu Naalakkersuisut siulittaasuata akornanni paatsuunganartumik nalilersorneqarmat, IA-p naalakkersuisuutitaasa aningaasat uterteqquneqartut utaqqiisaasumik Grønlandsbankimut ikigallarniaraat, Inuit Ataqatigiit tusagassiutinut nalunaarpoq.

- Kukkunersiuisut Deloitte, eqqartuussissuserisut Nuna Advokater, ilassinninnermut tunngatillugu kaajallaasitaq aammalu naalakkersuisut siulittaasuata Inatsisartut Kukkunersiuinermut Ataatsimiititaanut allagaasa assigiinngitsunik, ilaatigullu imminnut assortuuttunik, pisumut naliliinerat maluginiarlugu, ilassinninnermut anigaasat atorsimasagut Nuna advokatinit uterteqquneqartut, Grønlandsbankimut ikineqarallassapput. Johan Lund Olsen oqarpoq nangillunilu:- Qanorpiaq ilassinninnermut atatillugu kaajallaasitaq atuutissanersoq paasereerutsigu, aningaasat eqqortumik akiliutigineqarumaarput, Inuit Ataqatigiit sinnerlugit Naalakkersuisunut ilaasortaq Johan Lund Olsen oqarpoq.

Ukioq kingulleq ilaatigut Danmarkimi neriniartarfimmi akisuumi Era Ora-mik taaguutilimmi, Johan Lund Olsen Jens Napaattoorlu, ilassinnillutik nereqateqarsimapput, ilassinninnermullu aningaasat 11.600 koruunit avillugit aningaasartuuteqarsimallutik. Johan Lund Olsen, ukioq kingulleq inatsisartuni ilaasortaaqatinilu nereqatigiissimapput, kaffisoqatigiittarnerillu allat aamma pisarsimallutik. Nereqatigiittarnerit taamaattut ilassinninnertut taaneqarsinnaasut Hans Enoksen-ip Junip 30-ani nalunaaruteqarnermini allappoq, Nuna advokatilli allatut isumaqarput, taakkuami naliliinerat malissagaanni, aningaasat 10.000 koruunit, Johan Lund Olsen-ip Nunatta karsianut uterteqqittussanngormagit.

Aningaasaqarnermut naalakkersuisoq Josef Motzfeldt katillugit 2000 koruunit Nunatta karsianut uterteqissagai, Nuna Advokatit allagaqarsimapput.



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt