Inatsisartut kisimik suliakkiisinnaapput

Naalakkersuisuni ilaasortaatsimasut Jens Napaattuup Rasmus Frederiksen-illu naalakkersuisuunermik nalaanni aningaasanik ilassinnissutinik atorfissarinngisaanut atuisimaneri pillugit suliakkiissutit maannakkut arlaqarput.

Kisianni aningaasanik ilassinnissutissanik sippuisimanerit pillugit kikkorpiaanuku suliakkiisussaasut? Tamanna paasiniarsimavarput.

Naalakkersuisuni ilaasortaasimasut Jens Napaattooq Rasmus Frederiksen-ilu malisungaannarlutik naalakkersuisuunerminnit tunuarput. Pisut pillugit Naalakkersuisut siulittaasuata NUNA advokatini inatsisilerituut suliakkerpai, ilassinnissutit atorneqarsimasut uterteqquneqarsinnaanerat nalileqqullugu.

Tamatuma saniatigut ilassinnissunik atuisimaneq pillugu nunatsinni politimesteri nammineq paasiniaaniarluni nalunaarpoq.

Naalakkersuisut siulittaasuat suliakkiivoq, politimesteri nammineerluni paasiniaatitsiniarpoq, taamaattorli Naalakkersuisuni ilaasortat akisussaanerat pillugu Inatsisartut inatsisaanni allassimavoq suliakkiisoqassatillugu Inatsisartut kisimik aalajangiisussaatitaasut.

Tassa pissutsit naalakkersuisuni ilaasortap suliaanut tunngasut nunatsinni politimesterimut taamaallaat paasiniagassanngortinneqarsinnaapput Inatsisartut suliakkiippata. Politimesterip nammineerluni paasiniaaniarnera Inatsisartut inatsisaat naapertorlugu iliornerunngilaq.

Naammangittaalliuteqartoqarsimatinnagu Inatsisartullu aalajangertinnagit suliakkiissut Inatsisartut ombudsmandiata nerrivianut aamma ilineqarnavianngilaq.

Naalakkersuisuni ilaasortat akisussaanerat pillugu inatsisip saniatigut atorfilittat akisussaaqataatinneqarsinnaanerat apeqqutinngorpoq, naalakkersuisuni ilaasortat aningaasanik atorfissarinngisaannut atuilermata unitsitniarsimannginnamik. Ajortoqartillugu piffissaangallartillugulu pisortarisanut imaluunniit naalakkersuisunut ilisimatitsineq naammassimanngilaq.

Atorfininnermut atatillugu isumaqatigiissut naapertorlugu atorfilittanut nipangiussisimasinnaasunut kinguneqartitsisoqarsinnaavoq.

Inatsisartut siulittaasuat Jonathan Motzfeldt naalakkersuisuni ilaasortaasimasut Jens Napaattup Rasmus Frederiksen-illu ilassinnissutik atuisimanerannik kukkunersiuisartut Deloittekkut nalunaarusiaat tunngavigalugu kingusinnerusukkut oqaaseqarumavoq.

Naalakkersuisuni ilaasortaasimasut ilassinninnermut aningaasanik atorfissarinngisaanut atuisimanerat pillugu Inatsisilerituut misisuisinneqarnerata inerneri takoqqaarlugit Namminersornerullutik Oqartussat allaffeqarfianni pisortaaneq Kaj Kleist aatsaat oqaaseqarumavoq, ilisimatitsivorli ilassinninnermut aningaasat pillugit kaajallaasitaq Namminersornerullutik Oqartussani pisortanut maanna tusarniaassutigineqareeruni naalakkersuisunut ingerlateqqinneqarumaartoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt