Qinerseqqilernerpugut

Siumukkunnut illuatungiliuttut Demokrat-it, piumasaraat Naalakkersuisunut ilaasortat ilassinninnermut atornerluisimasut tamaasa Hans Enoksen–ip soraarsissagai qinersititsillunilu.

Inatsisartut Kukkunersiuinermik Ataatsimiititaliaani ilaasortaq Demokraatineersoq Palle Christiansen oqarpoq; pisortat aningaasaatai nammineq inuttut atugassamisut akiliutigalugit aammalu nunami maani inatsisit maleruagassallu tunulliullugit Naalakkersuisunut ilaasortaq pissusilersorsimappat, Demokraatiniit tatigilersinnaanagu. Maannakkullu piffissanngortoq Hans Enoksen-ip kinaassutsini ersersillugu oqartariaqalersoq, Naalakkersuisunut ilaasortat atornerluisimasut soraarsillugit.

Kukkunersiuisarfiup Deloitte–p Naalakkersuisut ilassinninnermut aningaasartuutigisimasaat misissoreerlugit, nalunaarusiaminni allapput, Naalakkersuisuni ilaasortat annerusumik minnerusumilluunniit aningaasartuuteqartarsimasut. Aalisarnermut Naalakkersuisoq Rasmus Frederiksen oqaatigineqareersutut, akulikitsumik ikittunngitsunillu assut kingusissukkut imigassanut aningaasartuuteqartarsimavoq akuttunngitsunillu imigassanut nereqatigiinnernullu aningaasartuuteqartarsimalluni nammineq inuttut atugassatut pissuseqartunik. Tassunga tunngatillugu Naalakkersuisut siulittaasuat paasiniaavigaarput Rasmus Frederiksen qanoq piniarneraa. Hans Enoksen oqarpoq, nammineq aamma annertuumik akisussaaqataalluni, inuttaali oqaloqatigisussaallugu soraarsinneqassanersorli oqaatigisinnaanngikkallarlugu.

- Ilumoorpoq taamatut ilisimatinneqarnerput. Soorlu akulikitsunik imigassanik taavalu unnuaanerusukkut taamatut pisoqartarsimanera taanna nuaninngilluinnaqqissaarpoq aamma uannut. Tassami akisussaaffeqarpugut aamma aningaasat atugassagut killeqarput mianersorlutalu atortussallugit. Uani inatsisilerituunut misissortippakka, akileqqusisoqassappat sorliit akilerneqartariaqarnersut. Taakkua qularnanngilaq uani sapaatip akunnerani

naammasissapput.

Hans Enoksen-ip tamanna qinersisariaqarnermik kinguneqassanersoq suli oqaatigisinnaannginnerarpaa. Demokraatillu qulanngilluinnarput.

Palle Christiansen Demokraatineersoq oqarpoq, qinersisoqarnissaa pitsaanerpaassagaluartoq, Hans Enoksen–ip Siumukkormioqatimi akornanni inatsisinik malinnillutik aqutsisinnaasunik nassaarsinnaanngimmat. Taamattumik qinersisartut ikiortariaqarpaat qinersiartornermikkut, taamaattoqassappallu namminneq Demokraatini piareersimanerarlutik.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt