Jersey namminiilivinnissarlu

Namminiilivinnissamut piareersartariaqarneq pillugu Jersey-mut angalasoqassasoq Jørgen Wæver Johansenip oqaatigaa.

- Massakkut namminersornerulernermiit namminersornermut ikaarsaariarfimmiippugut, aamma siunissami namminersornermiit namminersulivinnermut ikaarsaassaqqaaratta, isumaqarpunga maannangaaq isertitaqaataasussanik ujartuinitsinni sunut tamanut ammasunik iseqarlutalu siuteqartariaqartugut, taama oqarpoq Jørgen Wæver Johansen.

Taanna aperaarput, sooq taama angalanissaq pisariaqarsorineraa, taarsiullugulu attaveqaatit nutaaliaasut atuinnarsinnaannginneraat.

- Pisariaqarpoq inuit tikillugit, tamakkuninnga suliaqarsimasut isaatigut isigalugit oqaloqatiginissaat. Tamanna qangaaniilli atuuppoq, nunatsinnut iluaqutaasumik, Jørgen Wæver Johansen oqarpoq.

Tuluit Nunaata Frankrigellu akornanniittoq Jerseyp orninnissaanut soqutiginartinneqarpoq. Qeqertaaraq taanna Nunatsinnituulli inuttuallaanngimmat, EU-mullu ilaasortaanani. Aalisagartassanik nunallu pisuussutaanik allanik peqanngikkaluarlutik aningaasaqarnermikkut immikkut ittumik aaqqissuussisimapput. Tamannalu 60 % -imik akileraarutitigut isertitaqaatigisaraat, Jørgen Wæver Johansenip oqaatigaa.

Ullaaq ualimullu ullu`qeqqanut Per Skaaningip uparuaanerminut ilannguppaa, suliffeqarfiit aningaasarsiornerat pillugu inatsit Folketingimit taamaallaat aalangiiffigineqarsinnaasoq.

- Folketingimut ilaasortaanngilagut. Kisianni

Soorunalimi ataatsimiisitaliat asuli piumasaarsorlutik angalasinnaatitaanngillat. Imaattarpoq; ataatsimiisitaliat Inatsisartut siulittaasoqarfiannut qinnuteqartarput, taava qinnuteqaataat nalilersorneqareeraangata aatsaat itigartinneqanngikkunik akuerineqartarput, Jørgen Wæver Johansen oqarpoq.

Kommentarer

inatsisartut-sal-sep2019.jpg

Inatsisartuts Efterårssamling



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt