Silaannaq pillugu Ilulissani ataatsimeersuartoqalerpoq

Avatangiisinut ministerit nunanit tamalaaneersut sapaatip-akunneri marluk qaangiuppata Ilulissanukassapput. Ministerit Ilulissaniinnerminni silaannaq pillugu pisortatiguunngikkaluartumik suleqatigiissutigineqarsinnaasut oqaluuserissavaat, namminerlu isit atorlugit silaannaap allanngoriartornerata issittumut sunniutai takuniassallugit.

Namminersornerullutik Oqartussat aamma Danmark ataatsimiinnissamut qaaqqusisuupput, naalagaaffiillu 25-t aallartitaqarnissaat ilimanarpoq, ilaatigut India, Brasilia, Kina, USA aamma Japan peqataatitaqassallutik.

Danmarkimit peqataassapput, nunanut allanut ministeri Per Stig Møller aamma avatangiisinut ministeri Connie Hedegaard. Hans Enoksen naalakkersuisut siulittaasuattut qaaqquseqataajutigaluni avatangiisinut pinngortitamullu naalakkersuisutut peqataassaaq.

Aggustip 16-ianit 19-iat ilanngullugu ataatsimiittoqassaaq, pilersaarullu sammisassanut assigiinngitsunut agguataarneqarsimavoq, naatsumik ilisarititsinertaqarluni eqimattakkuutaarlunilu oqallittoqartassalluni.

Avatangiisit pillugit ataatsimiittarnernut naleqqiullugu Ilulissani pisussaq atorfilittarpassuaqassanngilaq, siunnersorterpassuaqassananilu. Ministerit tamarmik immikkut siunnersortimik ataatsimik qaaqqusisinnaatitaapput, siunnersortilli ataatsimeeqataassanngillat. Oqallinnissat tamanut ammasuussanngillat, taamaallaallu aqutsisut inernernik eqikkakkanik saqqummiussisarnissaat naatsorsuutigineqarluni.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt