IA Nuuk: isiginninngitsuusaaginnarsinnaajunnaarpugut

Naalakkersuisuni ilaasortaasimasup Jens Napaattuup ilassinnissutissat aningaasartaannik sippuilluni atuisimanera pisimasariaqanngikkaluarpoq, taama Nuummi Inuit Ataqatigiit siulittaasuat Elisabeth Ravn Johansen oqarpoq.

- Isumaqarpugut naalakkersuisuni ilaasortat tunuartartut kisimik pisuutinneqartuaannarsinnaanngitsut, ukiuni makkunani naalakkersuinikkut eqqissiviilliorsinnaasarnermut pissutaasut ilaattut taajumavarput atorfillit naalakkersuisunut ilaasortanut sullissisuusut nakkutiginninnerliornerat pinngitsoorani kukkuluttornernut uiarterneqarsinnaanngitsumik pissutaaqataavoq, Nuummi IA-ip siulittaasua oqarpoq.

Tamanna pillugu Namminersornerullutik Oqartussani atorfiilittat eqqortumik sullissinersut siunissami eqeersimaarfigineqarnerulertariaqartoq Nummi Inuit Ataqatigiit isumaqarput.

Siumut partiimi naalakkersuisooqataasullu akunnerminni aaqqiagiinngissuteqartuarnerat IA-ip Nuummi immikkoortortaani akueriinnarneqarsinnaajunnaartoq, Elisabeth Ravn Johansen aamma oqarpoq.

- Inuit Ataqatigiit naalakkersuisooqataaneranni politikkikkut anguniakkat salliutinniarsarineranni isiginngitsuusaaginnarsinnaajunnaarparput naalakkersuisooqatitta qinersisartut aningaasaataannik atornerluinerat.

Elisabeth Ravn Johansenilli IA-ip siulittaasuata Josef Motzfeldtip naalakkersuisooqatiminni toqqisisimanngitsoqaraluartoq naalakkersuisooqatigiinnerup ingerlannarnissaanik aalajangernera isumaqatiginerarpaa, naalakkersuisooqatigiinnermili isumaqatigiissutaasutip eqqumaffigilluarnerulernissaa inassutigalugu.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt