Ilulissani politeeqarfimmut tillinniartoqarpoq

Politeeqarfinnut inuit iserumasarpallaarunanngikkaluarput, amerlanerillu tuaviinnaq anisarunarlutik. Kisianni Ilulissaniunngitsoq…

Ilulissani politiit pingasunngormat ullaakkut arfineq-pingasunut suliartorlutik tillinniartoqarsimasoq paasivaat. Tamanna pillugu politeeqarfiup pisortaa Janus Eigaard nassuiaavoq, Ilulissani politeeqarfik quleriiusoq, alleq politeqarfeqarfiulluni, qulaalu politiit pisortaannut inissiaalluni.

Politeeqarfiulli pisortassaa aatsaat qanittukkut tikissimammat politeeqarfiup qulaatungaa suli inigineqalersimanngitsoq tillinniartoqarsimavoq. Tillinniat ineqarfiup matua aserorlugu isersimapput, sulilu paasineqanngilaq, suna tillinniarniarlugu isersimanersut.

Taamaallaat viinnit puujaasat politiit siorna julefrokosternerannit sinneruttut tiguneqarsimapput, aamma kreditkortit tiguneqarsimapput, sulili atunngikkaat nalunaaquttallu akunnera ataaseq qaangiutiinnartoq kikkut tilliarsimanersut politiinit paasineqarpoq, tillinniallu pingasut tigusarineqarlutik.

Viinnilli imerneqareersimapput. Tillinniat maanna eqqartuussivimmut sassartinneqartussanngorput, taarsiinissaallu piumasarineqassasoq, politeeqarfiup pisortartaava Janus Eigaard qungujulaqaluni oqarpoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt