Aaqqissuussaanermut ataatsimiititaliaq suliaminik kinguartitsinianngilaq

Kommunit kattussuunneqarnissaat kommuninit piareersarneqarnera piffissaqarfigineqarnerorusukkaluartoq, Aaqqissuussaanermut Ataatsimiititaliap suliani ukiamut naammassisussaq ingerlatiinnassavaa.

Aaqqissuussaanermut ataatsimiititaliap KANUKOKA-p Ilulissani ataatsimeersuarnerani suliani kommuninut saqqummiuppaa. Kommunillu suliap ingerlaannarnissaa kissaatigigaluarlugu, kattussuunnissaanut piffissaqarnerorusupput, kommunit kattussuunnissaata kingunerisinnaasai itinerusumik ujartoramikkit.

-Suliakkiisuninngaaniit immikkut aalajangiisoqanngippat suliarput ukiamut naammassinissaa ingerlatiinnassavarput, Aaqqissussaanermut Ataatsimiititaliami siulittaasoq Martha Labansen oqarpoq.

Aaqqissuussaanermut Ataatsimiititaliaq isumaqarpoq naalakkersuisut suliap ingerlateqqinnissaa nalilersortariaqassagaat, namminnerlu suliap ingerlanerani qiviallattaassagaat piffissamik annerusumik pisariaqartitsinerlutik. Suliatilli ukiamut naammassereertussaagamikkit ingerlatiinnarniarpaat.

-Suliap naammassinerani politikerinut, kattuffiup siulersuisuinut, naalakkersuisunullu nalilersugassaassaaq piffissaq eqqarsaatigalugu innersuussutigut malinneqassanersut imaluunniit sivisunerusumik suliassat ingerlatinniarneqassanersut. Uani aamma tikkuartorneqarpoq aalajangernissamut tunngavissat aamma naammattut pigineqarnersut. Tassani isumaqarpugut, qanorluunniit sivisutigisumik suliaq ingerlanneqarsinnaasoq, tunngavissat assigiinngitsut qulaajarlugit, appequtaaginnartorli suliat naammassinissaanut qanoq iluaqutaatigissanersoq, Martha Labansen oqarpoq.

Aaqqissuussaanermut Ataatsimiititaliap suliani ukiamut naammassigunikku naalakkersuisunut saqqummiutissavaat, naalakkersuisullu kommunit 18-iusut sisamaannanngortinneqarnissaat akuerissappassuk 2006-mi inatsisartut upernaakkut ataatsimiinnissaanni saqqummiunneqassaaq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt