KANUKOKA-p ataatsimeersuartitsinera ullumi aallartippoq

Kommuneqarfiit kattuffiat KANUKOKA-p aallartitanik ataatsimeersuartitsinera ullumi aallartissaaq.

Ilulissani kulturip illorsuani inuit 100-t missaat ullut marluk tulliit katersuutissapput.

Naalakkersuisut, atorfilittat, Danmarkimiit aggersakkat tusagassiortullu aallartitanut aamma peqataassapput.

Aallartitat ullut marluk ingerlanerini siulittaasumik toqqaassapput siulersuisunilu ilaasortanik sisamanik aamma toqqaassallutik.

Aaqqissuussaanermut Ataatsimiititaliap kommunit kattussuunnissaannut suliatik saqqummiutissavaat.

Siulittaasup Martha Labansen-ip kommunini politikerit isumaat tusarnissai qilanaarivaa:

- Uagutsinnut assorujussuaq pissanganassaaq, taakkorpiaq kommunalbestyrelsini nalilersuisussaagamik, kommunalbestyrelsinilu naliliinerit tunngavigalugit inatsisartut naalakkersuisullu isummertussaagamik. Taamaattumik, qinersereernermi nutaajusussaagamik pissanganrtorujussuussaaq, Martha labansen oqarpoq. Taassumallu aamma neriuutigaa politikerinit kinguneqartussanik qisuariartoqarumaartoq, Aaqqissuussaanermik Ataatsimiititaliap ukiamut suliatik naammassilerunikkit atorneqarsinnaasunik.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt