Lars-Emil Johansen parteeqatiminit tapersersorneqarpoq

Folketingimi ilaasortat piumagunik isertitatik suliatillu pillugit nalunaarutiginnissinnaatitaanerat oqallisigineqaqqilerpoq.

Nunatta ilaasortaatitaasa aappaat Lars-Emil Johansen, Siumumeersoq nalunaarutiginninniarani nalunaarpoq.

Lars-Emil Johansenip nalunaarutiginninniarani nalunaarnera Nuummi parteeqataanit paasineqarluni ilalernartinneqarpoq, soorlu partiip Siumup Nuummi immikkoortortaata allattaa Marianne Jensen taama isumaqartoq:

- Isumaqarpunga tupinnarpallaanngitsoq eqqarsartitsissappat soormitaava amerlanerit akuersaartut, ikittunnguit taakku akuersaanngillat, kisianni inuit ataasiakkaat namminneerlutik tamanna nassuiartariaqassavaat, Marianne Jensen oqarpoq.

Folketingimi ilaasortat 139-t nalunaarutiginninniarlutik nalunaarsimapput, ilaallu 40-t nalunaarutiginniniaratik.

Nunatta ilaasortaatitaasa aappaat Inuit Ataqatigiinneersoq Kuupik Kleist isertitamik nalunaarutiginnereersimanerarpoq.

Lars-Emil Johansen radioaviisimut oqarpoq isertuussaqartariaqarani, Folketingimullu ilaasortatut paasissutissat pisariaqartut tunniutereersimallugit.

Nuummi Siumut immikkoortortaani siulittaasumut tullersorti Ole Berthelsen isumaqarpoq Lars-Emil Johansenip aalajangernera ataqqisariaqartoq:

- Lars-Emil Johansenip taamatut aalajangernera inuttut nammineq aalajangigarimmagu ataqqisariaqarpoq, Ole Berthelsen oqarpoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt