Nunarput USA-llu suleqatigiissutissatik oqaloqatigiissutigissavaat

Igalikumi isumaqatigiissut aallaavigalugu nunatsinnit Danmarkimit USA-miillu atorfilittat suleqatigiit USA-mi Washingtonimi sapaatip akunnerata tulliani naapikkunik, nunatta USA-llu suleqatigiissutigisinnaasaat eqqartorlugit nangissavaat, taamaaqataanillu nunatsinnit niivernermik suliallit USA-mi nittarsaassissapput.

Atorfillit nunatsinnit Danmarkimit USA-miillu nunatta USA-llu suleqatigiissutigisinnaasaat siullermik naapinnermi aalajangersarneqarsimasut nangillugit oqallisigissagaat, nunanut allanut pisortaqarfimmi pisortap Inuuteq Olsenip oqaatigaa.

Atorfillit suleqatigiissut suna suleqatigiissutigineqarsinnaanersut nalilersoreerlugit suleqatigiissutissatut timitalimmik aallarnerneqarsinnaalluartoq tassaavoq, silaannaap allanngoriartoneranik ilisimatusarneq.

Eqqarsaatigineqarpoq nunatsinni Alaskamilu nunap qeriuaannartup allanngoriartornera misissorneqarsinnaasoq.

Nunanut allanut pisortaqarfimmi pisortaq USA-mullu angalaqataasussaq Inuuteq Olsen aamma oqarpoq tuluttuumiit kalaallisuumut ordbogilioratarsinnaaneq eqqarsaatinut ilaasoq.

Suleqatigiissitami suleqatigiissutaasinnaasut allat aamma nutaat Danmarkip USA-lluunnit kissaatigisaat aamma saqqummiunneqassapput.

Igalikumi isumaqatigiissut aallaavigalugu suleqatigiinnermi USA-p nunattalu niiveqatigiissinnaanerat ilanngunneqarpoq, taamaammat niivernermik nunatsinni suliallit USA-liassapput erseqqissumik paasiniassallugu USA-mik nunatsinni suliffeqarfiit niiveqateqarsinnaanersut.

Suliffeqarfiit nunatsinneersut USA-mi niivernissaminnut tunngavissaqarnersut paasiniarluassagaat, Inuuteq Olsenip oqaatigaa.

Inuuteq Olsenip erseqqissaatigaa nunatta USA-llu pisortatigoortumik niiveqatigiissinnaanerat pineqanngimmat, suliffeqarfiilli pineqarlutik.

Atorfillit nunanit pingasuneersut suleqatigiissut Joint Committee ukiumut ataasiarlutik naapittarniarlutik isumaqatigiissutigisimavaat.

Nunatsinni suliffeqarfiit takornariaqarnermik, Niivernermik, inuussutissarsiornermillu suliallit katillugit 16-it Washingtonimi takutitsersuaarniarput.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt