Telep aningaasarsiornini sukateriffiginiarpaa

Tele Greenlandip ullumi ataatsimeersuarnerani suliffeqarfiup aningaasarsiornerata suli sukateriffiginissaa pisariaqartoq siulersuisuni siulittaasoq Kaj Egede radioaviisimut oqaatigaa.

Nalunaarasuartaaseriviup naatsorsuutigaa internetti aqqutigalugu oqarasuaatikkut oqaluussinerit amerlanerusunit atorneqaleriartorumaartoq, taamaattoqassappallu isertitassat ikiliartulissallutik.

Tele Greenlandip atuisunut akigititai suli minnerutinniarneqassapputtaaq, siornami atuisunit iluanaarutit 37 milliuuni koruuninik ikinnerusimapput. Suliffeqarfiullu anguniarpaa teknologimut nutaamut 170 milliuuni koruunit atorneqassasut.

Kaj Egede oqarpoq akinik apparsaaneq ukiuni arlalinni ingerlatereersimallugu, peqatigitillugulu piginnittut sinneqartoorutinik pissarserusussimasut, piumasaqarnerlu tunngavigalugu aningaasartuutikillisaanissaq pisariaqalissasoq.

Niiverfiusinnaasunik aningaasarsiutaasinnaasunik allanik pissarsiniarnissaq ingerlanneqaannassaaq

Mobilinik internetimullu atuineq aningaasarsiorfiulersimanerarpaa, sulilu taakku nunaqarfiit ilanngullugit aningaasarsiorfiunissaa siunniunneqartoq, Kaj Egede oqaarpoq.

Kaj Egedip teknologi nutaaq eqqunniarneqartoq taasaa tassaavoq qarasaasiaq aqqutigalugu oqarasuaatikkut oqaluussisalernissamik anguniagaq.

Nunaqarfiit 70-t sinnerlugit innuttallit mobilimut ADSL-mullu atassuserneqarnissaat ukioq-manna aallarnerneqassaaq.

Tele Greenlandip ataatsimeersuarnermini 25½ milliuuni koruuninik sinneqartoorpoq.

Piginnittut iluanaarutinit 30 milliuuni koruuninik isertitaqarusulluni kissaateqarsimasoq aallavigalugu attaveqarnermut naalakkersuisoq oqaaseqartinneqarsinnaasimanngilarput.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt