Meeqqat sumiginnakkat iliuuseqarfigillaqquaat

Meeqqat sumiginnarneqartarnerisa pisortanit isiginngitsuusaarneqartarnerat kiisalu Naalagaaffiit Peqatigiit meeqqat pillugit aalajangersagaliaata nunatsinnit malinneqannginnera pillugu Nuummi ullumi akerliussutsimik takutitsisoqarniarpoq.

Akerliussutsimik takutitsinissamik aaqqissuisuupput meeqqat angerlarsimaffiup avataanut inissinneqartartut angajoqqaarsiaasa Nuummi peqatigiiffiat.

Peqatigiiffiullu siulittaasuata Ellen Sofie Chemnitzip oqaatiga meeqqat sumiginnarneqartarnerat pillugu inatsisartuni oqaluuserineqartussaanera tunngavigalugu ingerlaaqatigiinnertalimmik akerliussutsimik takutitsisoqarniartoq. Meeqqat sumiginnarneqartartut piasortanit iliuuseqarfigineqaratillu nukissaqarfigineqartannginnerat angajoqqaarsiaasartut Nuummi peqatigiiffiata siulittaasuata Ellen Sofie Chemnitzip qatsulluinnarpaa.

- Takusinnaavarput ilinniartitsisut perorsaasullu sumiginnaasarneq pillugu iliuuseqartoqartariaqarnermik suaartaraluarnerat tusaaneqanngitsoq, Ellen Sofie Chemnitz, Nuummi angajoqqaarsiaasartut peqatigiiffiata siulittaasua oqarpoq. Ellen SofieChemnitzip neriuutigaa pimmorullugu sumiginnaasarnermik ajornartorsiut maanna iliuuseqarfigineqassasoq.

Inatsisartuni ilaasortap IA-meersup Agathe Fontainip inatsisartuni oqaluuserisassanngortippa sumiginnaasarnermut atatillugu pissutsinik isiginneriaatsip allanngortinneqarnissaa siunertaralugu nunatsinni innuttaasunik qaarmarsaanissaq. Qaarmarsaanisamillu TV-kut aallakaatitamut Tulukkamut assingusumik ukiuni marlunni iliortoqarnissaa Agathe Fontainip kissaatigaa, naalakkersuisulli akissuteqarnerminni paasititsiniaanissamik aningaasaliinissaq itigartitsissutigaat, inuiaqatigiinni meeraqarneq pillugu suliat ingerlanneqalereermata. Agathe Fontainip inatsisartuni oqallisissiaa ataasinngorpat aappassaanerlugu oqaluuserinissaa pilersaarutaavoq.

Ingerlaaqatigiittoqareerpat Inatsisartut ataatsimiittarfiata silataani katersuunnermi meeqqap sumiginnakkap toqusimanera pillugu minutsi ataaseq nipaallisimasoqassaaq, oqalugiaqattaannerillu pereerpata erinarsoqatigiit Nipi attortinnaqisumik taallartalimmik erinarsussapput, atussagamikkumi ”ilaanne børnehjemmip eqqaatigoorlunga”.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt