Illoqqortoormiut borgmesterertaarpoq

Illoqqortoormiut borgmesterertaarpoq. Siumut qinersiviup siuliani borgmesteriutitaqarpoq maannali taanna Atassummut annaavaat.

70-inik taaguunneqarluni Illoqqortoormiut Kommuneani taaguunneqarnerpaajusoq Erling Madsen borgmesterinngorpoq.

Erling Madsen radioaviisimut ullumi oqarpoq Atassut Inuit Ataqatigiillu suleqatigiinnissamik ippassaq unnukkut isumaqatigiissummik angusaqarsimasut, ullumi atsioqatiorneqartumik.

Isumaqatigiissummi pingaarnerutillugit anguniagassat qulit taakkartorneqarsimapput.

Pingaarnerusutut taaneqarpoq piniartut atugaasa pitsanngorsaavigineqarnissaat. Taakku piorsaaviginiarlugit iliortoqarnialersaarpoq. Piniartuunermiit aalisartunngornermut ikaarsaarnissamik naalakkersuisut kajumissaarinerat tapersersorluinnaritsik Erling Madsen oqarpoq.

Ataatsimut isigalugu inuussutissarsiutitigut siuarsaanissaq anguneqarusuppoq. Takornariaqartitsinermilu siuarsaasoqarnissaannik isumaqatigiissusiortoqarpoq, borgmesterinngortoq Erling Madsen Atassut sinnerlugu qinigaasoq oqarpoq.

Kalaallinik ilinniartitsisussaaleqineq qaangerniarlugu aamma iliuuseqartoqarnialersaarpoq, soorlu kajumissaarisoqarnikkut, ajunngitsorsiassatigullu aamma pitsanngorsaasoqarniarluni.

Borgmesterip tullia siulliattut inissippoq Inuit Ataqatigiit sinnerlugu qinigaasoq Evald Brønlund.

Tulliata aappaatut Peter Amattanneq Atassummeersoq toqqarneqarpoq.

Illoqqortoormiut Kommuneani kommunalbestyrelsi tallimanik ilaasortaatitaqarpoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt