Siulittaasunngorniuttut tamarmik tapersersorteqarput

Siumup siulittaasussaattut qinigassanngortittut Hans Enoksen aamma Jørgen Wæver Johansen, Siumup iuslersuisuunerini tamarmik immikkut tapersersorteqarput.

Siulersuisuunerni ilaasortaq Karen Banke Petersen isumaqarpoq Jørgen Wæver Johansen siulittaasussatut Hans Enoksenimit piukkunnaateqarnerusoq.

- Jørgen Wæverip siunissamut pilersaarusiorsinnaaneq piginnaaneqarfigaa, isumaqarpungalu tunniussaqarnerusinnaavoq.

Karen Banke Petersen aamma isumaqarpoq, Jørgen Wæver Johansen meeqqanut inuusuttunullu sullissineq eqqummaariffigigai.

Siumut siulittaasussaatut Hans Enoksen qinigassanngortinnermini aamma tapersersorneqarluarpoq. Ineqarnermut Naalakkersuisoq Jens Napátók ippassaq oqarpoq Hans Enoksen siulittaasussatut tapersersorlugu. Aamma KANUKOKA-mi siulittaasoq Jens Lars Fleischer ullumikkut radioavisimut oqarpoq Hans Enoksen siulittaasussatut tapersersorlugu.

- Hans Enoksen-ip suliat aallarteriikkani naammassisariaqarmagit siulittaasunngoqqinnissaanut tapersersorpara. Siumut politikkiani nutarterinissami allannguutissat aamma takkutilerput, taamaattumik Hans Enoksen siulittaasutut inissisimaannarnissaa neriuutigaara, KANUKOKA-mi siulittaasoq Jens Lars Fleischer radioavisimut oqarpoq.

Inuusukkaluarlutik pikkorissut ipisinniarneqartarneri Karen Banke Petersen-ip ima oqaatigaa:

- Ilaannikkut imaalersoortarunaratta, inunnik pikkorissoqaraangat, soorlu ima oqartarneq; ”Isumaqassanngilatit illit pikkorinnerullutit” Taamatut oqartartarnerput ersertarpoq. Karen Banke Petersen naggasiilluni oqarpoq, ukiukikkaluartunik pikkorissunik, tatiginartunik tutsuiginartunik sullarissunillu inuusuttunik peqarluartoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt