Tusagassiortoq hashisisoq unnerluutigineqqatigisussanngorpaa

Radioaviisimi tusagassiortoq sapaatiummat ilanngutassiamini tusaaneqarsinnaasumik hashimik ajornanngitsuaqqamik pisiaminik politiinut tunniussivoq, iliuutsinilu unnerluunneqaatigisussanngorpaa.

Politiit tusagassiortoq 500 koruuninik akiliisinniaraluarpaat, tusagassiortulli akileeqqusissut itigartippaa, tamannalu politiit eqqartuussivimmut ingerlateqqippaat.

Tusagassiortoq unnerluutigineqarnerminut atatillugu politiinut oqaaseqarumanngilaq, isumaqarami hashimik ajornanngitsuaqqamik pisisinnaanermik paasissutissiineq pingaarnerusoq.

Radioaviisimi tusagassiortut sapaatiummat tusagassiaraat Nuummi kikkut tamarmik isiginnaasaannik, meeqqalluunniimmi pinnguartut akornanni hashimik bowlingertarfiup silataani tuniniaasoqarsinnaasoq. Tusagassiarineqarportaaq hashi pisiarineqartoq 0,35 gram Nuummi politiinut tunniunneqartoq, tassalu taamaaliorneq politiinit unnerluunneqaataavoq.

Politiillu ilisimatitsissutigaat suliaq qaammatit arlallit qaangiuppata aatsaat eqqartuussivimmi suliarineqarumaartoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt