Narsaq kommuni: INI atorunnaarli

INI A/S-ip atorunnaarsinneqarnissaa Narsap kommuneata Namminersornerullutik Oqartussanut siunnersuutigaa. Ineqarnermut pisortaqarfiup INI A/S-i pillugu tusarniaassummik kommuneqarfinnut novembarimi nassitsinerata kingorna, Narsap kommunea akivoq INI atorunnaarsinneqartariaqartoq. Narsap borgmesteria Jørgen Lund oqarpoq:

-Isumaqarpugut nunatsinni allaffissorneq millisarneqartariaqartoq, sullissinerillu nunap immikoortuiniit ingerlanneqartariaqartut, taamaattumillu inissiaqarnerup kommuneqarfinnit ingerlanneqarnissaa siunnersuutigaarput, Jørgen Lund oqarpoq.

INI-p Narsami sullissinera nammaginartinneqanngimmat aamma siunnersuuteqarnerarpoq.

-INI-p ukioq manna naatsorsuutaanit takusinnaavarput Narsami inissianik iluarsartuussinissamut aningaasat atorneqartussat 12 mio.kr-nit, ineqartut akiliutaat atorneqarnatik uninngatiinneqannartut. Taakku atorneqartariaqartutut isumaqarfigaagut, akuersaaruminaatsikkatsigu aningaasat taama amerlatigisut uninngatiinnarneqarnerat, Jørgen Lund oqarpoq. Aningaasallu taakku pillugit narsap kommunea annertunerusumik iliuuseqarsinnaannginnerarpaa, INIli tamatuminnga saffigisimagitsik Jørgen Lundip oqaatigaa. Oqarporlu INI atorunnaarsinneqarpat attartortunut siunissami sullissineq akiliutillu akitsoriartornerat unitsineqarsinnaassasoq.

- Ilisimavarput ukiuni kingullerni inissiat akitsoriartuinnartut, akitsoriartuinnannginnissaallu qulakkiissappat, ingerlatsineq kommuneqarfinnut tunniunneqartariaqarpoq, Jørgen oqarpoq.

Narsap kommuneata INI-mut inissianik iluarsartuussinissamut tunngatillugu saaffiginnissutaa suli akineqanngitsoq Jørgen Lund oqarpoq.

INI A/S-imi sullissisunut pisortaq Morgens Hansen radioaviisimut oqarpoq Narsap kommuneata inissianik iluarsartuussinissamut tunngatillugu saaffiginnissutaa novembarimi tigusimagitsik. Ilisimatitsivoq Narsami blokkit 3-it iluarsartuunneqartussatut pineqartut Namminersornerullutik Oqartussat inissiaatigingaat. Iluarsartuussinissarli Namminersornerullutik Oqartussat unitsippaat 12 mio kr. sinnerlugit naleqartussaasoq paasineqarmat, Mogens Hansen oqarpoq. Aningaasat suli uninngapput, INI-llu iluarsartuussinissamut tunngatillugu suliassamik nutaamik Namminersornerullutik Oqartussanut siunnersuutini nassiutereeraa Mogens Hansen ilisimatitsivoq.

INI A/S-i pilersinneqarmalli kommuneqarfiit ullumimut suleqateqanngitsut pingasuupput, tassa Upernavik Aasiaat kiisalu Qaqortoq. Nuup kommuneata INI-mik suleqateqarnini 2006-imiit taamaatinniarpaa. Kommuneqarfiillu INI-mik piffissap ingerlanerani suleqaterunnaarsimasut sisamaapput, tassalu Qaanaaq, Tasiilaq Illoqqortoormiullu.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt