Kigutit nakorsassaaleqineq qatsuppaat

Nuummi kigutit nakorsassaaleqinerup kingunerisaanik

ukiup affakkaartumik kigutit misissortinnissaat salitsinnissaalluunniit qaammatini makkunani ajornarallarpoq. Nuup kigutileriffianni taartaasut pingasut sulisorineqarput, pisariaqartitsilluinnartullu kisimik suliarineqarsinnaapput. Tamanna nakorsiartut misillerfigaat, ilaatigut Juliane Hansenip.

-Sussaanngilaq, kigullulluni utaqqinersuaq qasunarpoq.

Jens Jørgen Lyberth marlunnik kigutaarseqqammersoq isumaqarpoq kigutinik piiaaginnartarneq kigutit nakorsassaaleqinerup kingunerigaa.

Nuummiinnaanngitsoq aammali sinnerissami kigutit nakorsaat amigaataapput. Kigutit nakorsaasa qullersaat Finn Mathiassen taamaattoq neriulluarnerarpoq.

-Aappaagu sineriammi atorfinikkusullutik qinnuteqarsimasut amerlapput, amigaatigullu nungungajassapput.

Nuummili kigutit nakorsaattut atorfiit arfineq pingasut tamarmik inuttalerneqassanersut suli nalorninarpoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt