Kina Indialu nunatsinnut ataatsimiigiaqquneqassapput

Avatangiisit pillugit nunat tamalaat peqataaffigisaannik ataatsimeersuarneq nunatsinni ingerlanneqartussaq danskit naalakkersuisuisa pilersaarutigaat.

Avatangiisit pillugit ataatsimeersuartoqarnissaanik isumaliutit issittumi nunat siunnersuisoqatigiiffiata qanittukkut islandimi ataatsimiinnerannit aallaaveqarput. Ataatsimiinnermi tassani siullermeersumik nunanit ilaasortaasunit tamanit, aamma USA-mit, isumaqatigiissutigineqarpoq silaannaap allanngoriartornera isiginngitsuusaarneqarsinnaajunnaartoq.

Danskit naalakkersuisuisa maanna pilersaarutigilerpaat nunat aningaasarsiornikkut ullumikkut siuariartupiloortut peqataaffigisaannik nunatsinni aappaagu ataatsimeersuartitsinissaq. Avatangiisinut ministeri Connie Hedegaard:

-Akisussaaffimmik nammaqataasinnaasut amerlanerusariaqarput, siumullu isigaluni iliuusissanik pilersaarusiortoqartariaqarpoq. Taamaattumik kalaallit Nunaanni ingerlanneqartussamik aappaagu ataatsimeersuartitsinissamik pilersaaruteqarpugut, tamatumani nunat aningaasarsiornikkut siuariartortut peqataatillugit. Nunat inuttoorujussuit tamakku ilaatigut tassaapput Kina, India, Chile Brasilia assigisaallu, Connie Hedegaard oqarpoq. Ataatsimeersuarnermi eqqartugassaasinnaanerarpai soorlu siunissami akisussaaffinnik qanoq ittunik nunat ataasiakkaat tigusisinnaanersut.

Avatangiisinut ministerip tikkuarpaa EU-mi ilaasortat anguniagasatut aalajangiutereersimammassuk siunissaq ungasinnerusoq isigalugu silaannaq agguaqatigiissillugu 2 gradit sinnerlugit kiatsissanngitsoq.

-Tamannali anguneqassappat gassinik silaannarmik kiatsikkiartortitsisunik anaititsineq milliserujussuartariaqassaaq, tamannalu malunnaatilimik anguneqassappat Kina, India nunallu allat peqataataasariaqarput, Connie Hedegaard oqarpoq.

Kommentarer

inatsisartut-sal-sep2019.jpg

Inatsisartuts Efterårssamling



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt