Issittumi Siunnersuisoqatigiit atsioqatigiipput

Gassimik silaannarmut aniatitsineq millisarneqassaaq, nunallu silaannaap allanngoriartorneranut naleqqussassapput. Tamakkuupput Issittumi Siunnersuisoqatigiit ministeriisa Islandimi ataatsimiittut, anguniagassatut ullumi atsioqatigiissutigisaat:

Issittumi siunnersuisooqatigiit ullumi Reykjavikimi ataatsimiinnermi ukiuni tulliuttuni sulinissaminnut sinaakkusiussassai atsiorneqarpoq, nunat ilaasortat tamarmiullutik atsiugaannik. Danmark nunarpullu sinnerlugu Josef Motzfeldt atsioqataavoq.

Politikkikkut suliutissat anguniagassallu pingaarnerit marlussupput:

Mingutsinerup gassinik pinngortup annikillisarnissaanut anguniakkat kiisalu silaannaap allangorneriartorneranut naleqqussaanissaq.

Kingulleq nunatsinnut attuumassuteqarnerusutut oqaatigineqarsinnavoq, tassami ullumikkut silaannap allangoriartornera nunatsinni malunnarsereersutut oqaatigineqarsinnaavoq. Issitumi nunaqavissut qanimut suleqatigineqarnissaat inassutaavoq avatangiisit, aningaasaqarneq inuutissarsiornerlu eqqorneqartussaammata allangornernullu malinnaaniarnermi naleqqussaanermilu paasissutissat sukumiisut pisariaqartussaapput, aalangiisartunullu attaveqarluarnissaq aqqutissiuunneqartariaqarpoq.

Inassutigineqarportaaq periarfissat nutaat aamma piorsarneqarlutillu pitsaasumik aqunneqarnissaat avatangiisit piujuaannartitsinissarlu tunaartaralugit, tassami silaannaap allanngornerata kingunerisussaavaa umiarsuartigut assartuinerit angallannerillu annertunerusut atulernissaat maannakkut sikuiuitsup sikua aakkiartortillugu. Nunap aajuitsup aakkiartornerani ajoqusiinerinnaanngitsut aamma pitsaaqutaasinnaasut silatusaartumik pilersaarusiornissaat aqunneqarnissaallu pisariaqarluinnarpoq.

Siunniunneqarportaaq silaannaap allanngoriartornerata misissorneqarnerata suli ingerlanneqartuarnissaa alaatsinaaqqissaaneqarnissaalu.

Maannakkumiit Russit Issittumi siunnersuisooqatigiit siulittaasuuffik tiguaat. Tamanna arlalitsigut pissanngatigineqarlunilu qilanaarineqarpoq, tassami Russit naalagaaffiata avannaani nunap inoqqaavi assigiingitsut 26 nagugaqarput: Taakku malunnaatilimmik suliniuteqarfiginarlugit Russit nalunaaruteqarnikuummammata tamanna nunatsinni peqataasunit iluarisimaarneqarpoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt