Kommunini ikiuigasuartussaqartariaqarpoq

Kinguaassiutitigut atornerluisoqarsimatillugu Kommunit suligasuartussanik piareersimatitaqarnissaat pingaaruteqartoq,  Narsap kommuneata maannamut misilittakkatik pillugit erseqqissaateqarpoq.

Aasaq manna Narsami nukappiaqqat aqqanillit kinguaassiutitigut atornerlunneqarsimasut paasineqarmata Narsap kommunea eqqugaasunut ilaqutaasunullu katsorsaanermik ingerlataqarluni sulivoq.

Narsap kommuneani pitsaaliuinermut siunnersortip Bolette Steensgaardip oqaatigaa, nukappiaqqat aqqanillit kinguaassiutitigut atornerlunneqarsimasut aasaq manna paasineqarput ikiorniarlugillu kommune  iliuuseqapallassimasoq Narsami pitsaaliuinermut siunnersortip Bolette Steenskov-ip erseqqissaatigaa.

-Paasineqariniariartullu ingerlaannaavik Narsap kommuneani inunnik isumaginnittoqarfimmiit iliuuseqarpallassimavugut. Suleqatigiinnik pilersitsisimavugut, tassanilu pissutsit qanoq ittunneri suliassallu annertussusaa nalilersoriarlugit angajoqqaanik aggersaalluvugut, tassanilu pingaartissimavarput politiit peqatigalugit nassuiasoqassasoq. Pisimasut aallartinniariarmata Inunnik isumaginninnermik siunnersortit, inunnik isumaginninnermut siunnersortit pisortaat, inunnik isumaginninnermut pisortaq peqatigalugu suleqatigiinneq aallartipparput. Suliniarnerput aallaavigalugu tarnit pissusaanik ilisimasalik ataatsimiinnermi peqataavoq. Angajoqqaat ataatsimiisinneqarnerani nassuiaatigineqarpoq meeqqat kinguaassiutitigut atornerlunneqarsimatillugit meeqqat qisuariaatai qanoq ittuusarnersut, kiisalu taamaattoqartillugu qanoq pisoqarsinnaaneranik qanorlu iliortoqarsinnaaneranik nassuiaasoqarpoq.

Aamma politiit tungaanniit nassuiaasoqarpoq atornerluisup tigusaaneraniit suliap ingerlanerani qanoq pisoqarsinnaanera nassuiaatigineqarluni.

Pitsaaliuinermik siunnersortip Bolette Steensgaardip ilanngullugu erseqqissaatigaa, inuit ikiuigasuartussatut sulisussat suliniarnissaminni sakkussaqarluarnissaat pingaaruteqartoq, minnerunngitsumittaaq suleqatigiit akornanni tapersersoqatigiinneq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt