Atornerlugaasimasut ikiorneqarnerusariaqartut

Kommunit ikiuunnissaminnut pitsaanerusumik neqerooruteqartariaqarput, pingaartumik meeqqanut kinguaassiutitigut atornerluisoqarsimatillugu.

Taama oqarpoq Nuummi Dronning Ingrid-ip napparsimavissuani tarnikkut napparsimasut uninngavianni Nakorsaaneq Fatuma Ali, Atammimmi ukiorpassuarni meeqqanik kinguaassiutitigut atornerluisoqarsimaneranut tunngatillugu.

Tarnimikkut napparsimasut uninngavianni nakorsaaneq Fatuma Ali naliliivoq, kommunerisami meeqqanut kinguaassiutitigut atornerluisoqarsimatillugu suliamillu taamaattumik peqartoqartillugu, meeqqanut ilaqutaasunullu sillimaniarneq Maniitsumi atorneqarsimasoq naammanngitsoq. Kommunip suliamut tunngasoq erseqqissagassaraa, innuttaasullu akornanni oqaloqatigiissutiginissaa isumagisassaralugu.

Nakorsaanerup Fatuma Alip kommunit kaammattorpai sulianut taamaattunut tigusisinnaanermikkut eqqumanerusariaqartut, soorlumi Atammimmi pisut eqqarsaatigalugit, eqqugaasut ilaqutaasullu ikiorneqarnertik naammaginagu qanittukkut naammagittaalliormata.

- Nalunngilarput nukissaqarnerusut  saaffiginnikkumaartut aamma ingerlariaqqikkumaartut.

Saaffiginninngitsulli taakkuupput qamuuna naalliunnerpaat. Taamaammat pingaaruteqarluinnarpoq Maniitsup Kommuneata nammineerluni ujartuinissaa, inuit ataasiakkaat ajornartorsiutaat kisiisa pinnagit, kisiannili Atammimmi innuttaasut tamarmik ajornartorsiornerat ataatsimoorfigalugu  iliuuseqarfiunerusariaqarpaa.

Fatuma Alip Maniitsup kommunia kaammattorpaa Namminersornerullutik Oqartussanut ikiortissarsioqqullugu.

- Inunnut ikiorneqarnissamik suli pisariaqartitsisunut ikiuisoqartariaqarpoq,  pingaaruteqarpormi meeqqat,  angajoqqaat ilinniartitsisullu akunnerminni qanoq ingerlariaqqinnissartik pillugu ammasumik oqaloqatigiissutiginissaat.  Minnerunngitsumik  atornerluisumut McGregor-imut nunaqarfimmut  annertuumik sunniuteqarsimasumut, ajunngitsuni ajortunilu isumakkeerfiginninniarnissaq saammassiniarnissarlu eqqarsaatigalugit.

- Pingaaruteqarluinnarpoq ataatsimoorluni iliuuseqarnissaq, pissutigalugu pineqartut tamarmik arlaatigut tamatumunnga oqaaseqarsinnaaniassammata. Ajussanngilarlu aamma oqartoqassappat ima: ”Aap, taanna angut aamma inutsialakassaavoq”. Fatuma Ali oqarpoq, nangillunilu.

-  Isumaqarpunga ataatsimoorluni iliuuseqaqatigiinnikkut isumakkeerfiginninnissamut ajornannginnerulersitsissasoq. Tassami ulluni kingullerni tusarparput Atammimmiut qanoq ajornartorsiortigisut, Fatuma Ali naggasiivoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt