RG-ip isumaqatigiissutaa aporfissalik

Royal Greenlandip Alfred Bergillu isumaqatigiissutaat julip arfineq sisamaani atsiorneqartoq arlaanaanulluuniit pituttuisuungilaq. Taamaakkaluartoq isumaqatigiissummi nunani allani ingerlatanik namminersortunngorsaanissaq Naalakkersuisut isumaqatiginngisaat periarfissaavoq, apeqqutinngorporlu piginnittut isumaqatigiissummik ilisimatinneqarluarsimanersut, Lise Lyck naliliivoq.

Ajornartorsiutaalersinnaasutut Lise Lyckip eqqartugai arlaqarput. Royal Greenland nunami aningaasarsiornikkut pingaaruteqarluinnartutut inissisimavoq. Tamannalu pissutigalugu piginnittut tassalu naalakkersuisut, suliffeqarfissuullu siulersuisuisa, aqutsisuisalu akornanni soqutigisat aallaavigalugit aporaatoqartarnissaa ilimagalugu Lise Lyck oqarpoq.

Suliffeqarfissuarmik aqutsisut ilisimasaqarnerpaajupput, taakua suliffeqarfiup qanoq ingerlariaasia ulluinnarni ilisimasaqarfigilluarmassuk, sulisut, nunanut allanut niuerneq, allarpassuillu eqqarsaatigaluggit. Tassanilu soqutigisat ilisimasallu aallaavigalugit aqutsisut tassalu qullersat ingerlatatik isumaginiartussaallugit.

Aperisoqarsinnaavorlu qullersat soqutigisaat siulersuisut aamma ilisimaarilluarneraat, tassani eqqarsaatigalugu ilisimasaqarluartunik siulersuisunik toqqaasarneq, aammalu politikerit toqqagaanik siulersuisunik toqqaasoqartarnera, inuussutissarsiornikkulluunniit ilisimasalinnik nunat tamalaat niueqatigiineranni ilisimasaqarluartunik toqqaasoqartarnersoq.

Tassani tamatigut apeqqutaalersartoq tassaavoq apeqqutini assigiingitsuni piginnittut qanoq qisuariaateqassanersut, aammalu qullersat qanoq qisuariaateqassanersut. Apeqqutit assigiingitsut eqqarsaatigalugit qullersat allamik isumaqakkajuttarput, aammalu piginnittut taamatut immikkut isummersorsinnaasarlutik.

Ulloqeqqanut radioaviisimi Royal Greenland-ip aningaasaliisartullu Alfred Berg-ip isumaqatigiissutaat arlaanaanulluuniit pituttuisuungitsoq oqaatigineqarpoq. Nunanilu allani Royal Greenland-ip ingerlataanik namminersortunngorsaasinnaaneq misissugassanut ilaavoq. Tamannalu aallaavigalugu piginnittut Naalakkersuisut,royal greenland-imilu aqutsisut akornanni, aammalu isumaqatigiissuteqarfigineqartup Alfred Berg-ip akornanni ajornartorsiutinik takkuttoqartassasoq taamaammat ilimagalugu, Lise Lyck oqarpoq.

Ataatsimut isigalugu susassaqartuni attaveqatigiingippallaarneq ajornartorsiutinik nassataqarsinnaasasoq eqqoriarneqarpoq.

Lise Lyck Københavnimi Handelshøjskolimi ilinniartitsisuuvoq, nunat tamalaat aningaasaqarnerannut immikkut ilisimasaqartuulluni. Aamma Nunatsini Savalimmiunilu politikkikkut isumaginninnikkullu ingerlatsinermi immikkut ilisimasaqartuuvoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt