Namminersorneq tamaviaarullugu paasititsiniutigineqalissaaq

Namminersorneq pillugu isumaliutissiissut marlunngorpat statsministerimut Anders Fogh Rasmussenimut aammalu naalakkersuisut siulittaasuannut Hans Enoksenimut tunniunneqarpat, namminersorneq pillugu paasititsiniaasoqarnissaa tamaviaarullugu anguniarneqartussanngussaaq.

Taamalu Kalaallit Nunaanni namminersornerup atuutsinneqalernissaa anguniarlugu innuttaasunik novembarip 25-iani taasisitsinissamut inatsisissatut siunnersuut suliarineqartussanngussalluni.

Isumaliutissiissutip persuarsiorpalaartumik tunniunneqarnera Katuap inersuaaraani pissaaq, taamalu isumalioqatigiissitap siulittaasoqarfiani siulittaasoq Jonathan Motzfeldt aammalu siulittaasup tullia Christian Mejdahl oqalugiassallutik. Persuarsiorneq Katuami tamanut ammatinneqassaaq taamatuttaaq kaffillertoqarlunilu erinarsortoqassasoq oqaatigineqarpoq.

Namminersorneq pillugu TV-kkut aallakaatitassiat sisamat suliarineqassapput aggustimiit novembarip tungaanut qaammatikkaartumik aallakaatinneqartassallutik. Taamatuttaaq TV-kkut radiokkullu takutitassiaaqqat tusarnaagassiaaqqallu suliarineqassasut unnersiutigineqarpoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt