IT Factoryp pisortaa aningaasarpassuarnik qimarngusssisimassangatinneqarpoq

Danmarkimi suliffeqarfiup IT Factoryp pisortaata, Stein Baggerip, koruuninik milliardip affaanik qimarngussisimassangatinneqartup, ujarneqarnera, suliaanullu atatillugit misissuinerit, ullumi aallartinneqarput - inuilli aperisalerput aningaasarpassuit tammagarnerat siulersuisunit qanoq ililluni pasitsaanneqarsimanngitsoq.

Politikenimi inuussutissarsiutit pillugit nalileeqqissaartartoq, Niels Lunde oqarpoq, siulersuisut, natsorsuutinik kukkunersiuisartut ulluinnarniluunniit Stein Baggerip qanimut suleqataasa, ajuissortoqarnera pasitsaassimanngimmassuk tupinnartuusoq. Minnerunngitsumik ulluinnarni aqutsisut, tassa siulittaasoq siulittaasullu tullia, sapaatit akuneri tamangajaqqinnaavi pisortaqarfimmik ataatsimeeqateqartaramik, tupinnaqaaq aningaasat taama amerlatigisut sumut atorneqarnersut takorusuttarsimanngippatigit. Stein Baggerip assigiinngitsunik attartortuusaarluni aningaasartuutai taama amerlatigisut, arlaatigut siulersuisut attartukkat suunerinik takunninniarsimanngimmata tupinnaqaaq. Qarasaasianut atortut akisoqisumik attartorneqartuusaartarsimapput, sorpiaat attartorneqarnersut siulersuisut takorusussimasuugunikkit peqanngimmata pasitsassimassangaluarput. Tupinnaqaaq siulersuisut, siulittaasulluunniimmi suut taama akisutigisut attartorneqartut takorusuttarsimassanngippatigit, Niels Lunde oqarpoq.

IT Factoryp siulersuisuini siulittaasoq, Asger Jensby, suliffeqarfiup pisortaanit pinerluffigineqarsimanertik assut tupaallaatigalugu ippassaq oqarpoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt