Sakkutuut Afghanistanimit 2014-imi anereersimassapput

Lene Espersen nunanullu allanut ministerit allat Kabulimi aningaasaliinissaq pillugu ullumi ataatsimeersuarnissamut anngutinngikkaluartut, ataatsimeersuarnermi Afghanistanip siunissaa pillugu pilersaarutit oqaluuserineqarput.

Pilersaarutaavoq sakkutuut 2014-imi Afghanistanimiit anereersimassasut. 2014-imilu anguniakkat qulakkeernissaannut pineqartut ilaat tassaavoq aningaasaateqarfimmik pilersitsinissaq, aamma talibanit sakkutuuinut aningaasanik tapiissuteqarnikkut taakkua sakkulersuukkunnaarnissaat. Ilaatigut Danmarki aningaasaateqarfimmut 30 million kr.-inik tunisivoq.

Aningaasaateqarfik katillugit 800 mio. dollarsinik imaluunniit qallunaat aningaasaannik 4,5 mia. kr.-it missaannik aningaasartalik talibanini sakkutuuinnaat pikitsitsiniat pikitsitsinianik tunussinissaannut aningaasanik kajumissaasiissaaq. Tamannalu pikitsitsinianut aningaasat pissutigiinnarlugit iligiiaanut akersuuttunut siunissaq qaninnerusoq eqqarsaatigalugu iluaqutaasinnaassalluni. Taamatut naliliivoq Afghanistanimiut qimaasut pillugit qallunaat komitéanni pisortaq Arif Kariim.

- Isummat tunngavigisat upperisarsiornerluunniit tunngavigiinnarlugu talibaniniittut, taakku talibaninik qimatsinissaanni allatut isumataartinnissaat ajornakusoorpoq, Arif Kariim oqarpoq.

- Siunissarli ungasinnerusoq eqqarsaatigalugu aningaasat aningaasaateqarfimmeersut pilersaarut naapertorlugu atorneqassanersut qularnaveqqusiisoqarsinnaanngitsoq Arif Kariim naliliivoq.

- Aningaasat tunniunneqarsimasut taakkua atoreerunikkik taava allatut isumaqaqqilissapput. Imaluunniit sorsunnermi pisortaq kinaluunniit takkuppat NATO-minngaanniillu aningaasanik amerlanerusunik neqerooruteqarluni, taava taakkua sulisitsisumut nutaamut nuukkasuassapput, tassa Afghanistanimi pissutsit taamaapput, Arif Kariim naggasiivoq.

Aningaasat aningaasaateqarfimmeersut pikitsitsiniatut suleqatigiiaanut 50-it angullugit amerlassusilinnut ineriartortitsinissamut pilersaarutinut atorneqartussanngussapput, illoqarfeeqqat tamarmik ataatsimoorlutik aningaasat iluaqutigissappatigik.

Talibanit aningaasatigut tapiiffigineqarnissaannik pilersaarutit Afghanistanimi assorsuaq oqaluuserineqalerput. Amerlaqisut tamanna kukkunerujussuartut isumaqarfigaat, allalli isumaqarlutik tamanna nunami tassani eqqissisoqarnissaanut piviusorsiornerpaamik aqqutissaasoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt