SMS 1717 mobiilikkut kiffartuussineq

 

1717-imi KNR-ip kiffartuussinera

SMS-imik nassitsileruit allatuulli SMS-ileraangavit allassaatit KNR-imullu nassitsileruit normumut 1717-mut nassitsissaatit.

Nassiunniakkat immikkut ittumik inniminniinermi mediekode-mik taaneqartartumik aallaqqaateqartuaannassaaq. Allaakaatitassiamut sorlermut kiffartuussinermulluunniit ingerlanersoq taassuma KNR ilisimatissavaa.

Taanna mediekode soorlu imaassinnaavoq UNNIA KNR-imi Nutaarsiassaqartitsivik nalunaarfigerusukkukku.

 

KNRip SMS-imik kiffarsuussineri ingerlasut

MediacodeNassuiaaneqAkiata nalinginnaasup qaavatigut
UNNIANutaarsiassanut nalunaarut1 kr.
TIPNutaarsiassanut nalunaarut1 kr.
VIDEOTv-kkut unammisitsineq5 kr.
APPIRadiukkut aallakaatitaq "Appilaaruk"1 kr.
SIANEQRadiukkut aallakaatitaq "Sianerfigilaarpakkit"1 kr.
INUUNEQRadiukkut aallakaatitaq "Inuunerup titarneri"1 kr.
NIPAARadiukkut aallakaatitaq "Nunatta nipaa"1 kr.
KISSRadiukkut Kissaatigisat150 kr.

 

SMS sunaagami?

ASSERSUUT:
Radiokkut aallakaatitaq "Kissatigisat" aqqutigalugu inuulluaqqusiniaruit KISS allariarlugu allakkusutat kissaatigisallu malitseqarluni 1717-imut nassiussavat. Assersuutigalugu imatut isikkoqarsinnaavoq:

KISS Asasara Asasaq. Pilluangaarit. Kissaatigaara: Nipilersortartut atugaat Erinaq Nuannersoq

Naqinnerit 160-it katillugit atoqqusaavatit. Nassiullugu iluatsikkuit akuersissumik akineqassaatit.

Oqarasuaammit angallattakkamit allamut oqarasuaammut allamut SMS-ersinnaavutit. Oqarasuaatit angallattakkat tamarmik SMS-inik nassitsillutillu tigusaqarsinnaapput.

SMS-ikkut nalunaarutit amerlanerpaamik 160-inik naqinneqarsinnaapput akunneri ilanngullugit, takinerussappallu SMS-inut amerlanernut avinneqartarluni. Oqarasuaatinili amerlanerni takussutissaqartarpoq nassiussaq ataasiinnartut isikkoqarluni, taamaalillunilu nassitsisoq SMS-inut amerlanernut akiligassinneqarsinnaalluni.

 

Qanoq akeqarpa?

SMS-inik KNR-ip neqeroorutaasa ilaat akeqarput. Tamanna pissuteqarpoq SMS-inik MMS-inillu KNR nassiussuinermi akiligassinneqartarami.

 

Taamaammat kiffartuussinerni taakkunani KNR aningaasarsiuteqanngilaq taakkunanngali ingerlatsinerni, aserfallatsaaliinerni ineriartortitsinermilu matussutissanut akiliutit atorneqartassallutik.

 

KNR-imut SMS-inik nassitsineq SMS-ernerup nalinginnaasup qaavatigut 1 kr-mik nalinginnaasumik akeqartarpoq, apeqqutaalluni oqarasuaaterpit atassusernera qanoq ittuunersoq akileereerluniluunniit immertakkamik peqarnerit ilanngullugu eqqarsaatigalugu. Taamaasilluni SMS-ernerit aki nalinginnaasoq kiisalu aki tapiliussaq 1 kr-iusartoq ilanngullugu ataatsimoortillugit akeqassapput. Akit nikerarsinnaapput kiffartuussineq sorleq apeqqutaalluni.

SMS-ikkut nalunaaruteqaraangavit aningaasanik utertittoqarsinnaanngilaq.

Akit taakku marluk ima agguataagaapput: SMS-imut aki nalinginnaasoq TELE Greenlandimut akilerneqassaaq tamannalu KNR-p oqartussaaffiginngilaa. Akit tapiliussat arlalinnut atussapput, SMS-ernerit arlariinnit suliarineqartussaammat. Taamaasilluni KNR-p makku akilissavai:

  • Oqarasuaatinut angallattakkanut SMS-ernermi nassiussuinermi oqarasuaatinnullu akissuteqarneq
  • SMS-erluni sullissinermi ineriartortitsineq aserfallatsaaliinerlu
  • Angallattakkamik oqarasuaativit attaveqarfiinut atuineq taakkulu sullissinerisa akilersuineri.

Immikkut akinut tapiliussat 1 kr-mit akilerneqareerpata KNR iluanaaruteqaranilu annaasaqaatigissanngilai.

 

Qaqugu akiliissaanga?

TELE Greenland Tusass-ernit akiligassarnulluunniit ilanngutissavai SMS-erutit KNR-imut anngutereerpat 1717-iluunniit aqqutigalugu SMS-erutit anngutereerpat.

Oqarasuaatinut angallattakkanut sullissinermi ajornartorsiuteqaruit tamanna pillugu attavigitigut. Inussiarnersumik malugeqqussavarput saaffiginnissutit tamaasa KNR-ip akisinnaanngimmagit.

TELE Greenlandip oqarasuaatinik sullissinermi akinut tapiliuttagai pillugit piumasaqaatit paasissutissallu uani atuakkit

 

SMS-ernissamut ilitsersuut

SMS tassaavoq short message service allakkanillu naatsunik nassitsinermik isumaqarluni. Oqarasuaatit angallattakkat tamarmik SMS-inik nassitsisinnaapput immikkullu atortalernissaannik iliuuseqartariarani.

Oqarasuaatit angallattakkat assigiinngitsorpassuupput tamaasalu immikkut ilitsersuutaat uani taakkartorsinnaanngilavut taamaattorli SMS-imik nassitsiniaraanni nalinginnaasumik imaattarluni:

  1. Oqarasuaatinni toqqagassanut iserit kiisalu uku toqqarlugit: 'Beskeder' imalt. 'Meddelelser'
  2. Toqqaruk 'Skriv ny' imalt. 'Ny besked'
  3. Nassitsiniarluni SMS toqqaruk.
  4. 1717 tigusisussatut toqqaruk, taaamassinnaanngippat immikkoortoq 7-p kingorna takuuk.
  5. Mediekode siuliani eqqaasarput allaguk nassitsivissaa taannaammat. Mediekodep eqqortumik allannissaa pingaaruteqarpoq, taamaanngippammi apuuffissaminut apuutinngitsooqinaaq. Mediekode pillugu nalornissuteqaruit nittartakkatsinni takuuk aallakaatitassiamut sumut nassitsiniarnerlutit.
  6. Mediekode allareerukku ataatsimik akunnileriarlugu aallakaatitassiami aaqqissuisunut allariaannanngorputit. SMS-imilli kiffartuussinerinnaq kisiat piniarukku mediekode kisiat allassavat. Taanna qarasaasiamit suliarineqassaaq aaqqissuisoqarfinnullu anngutissanani.
  7. 'Fortsæt' aamma/imalt. 'Send' toqqaruk. Siuliani taama piumaafigineqanngikkuit maanna tigusisussap normua piumaneqassaaq. 1717 allaguk nasiullugulu ’Send’. Taamaasilluni KNR-imut nassiutissavat.
  8. Tigusaqarsimanermut akissut utaqqiuk nassiussat DR-ip qarasaasiaanit tiguneqareerpat. Malugiuk oqarasuaatit ilai kalaallisut ilitsersuutitaqarsinnaammata.

 

Wikipediami SMS pillugu

Google atorlugu SMS pillugu nassuiaanerit

Attavissaq

KNR attaviginiarukku ataani immersuivik atorlugu allaffigisinnaavatsigut emailikkulluunnit info@knr.gl

imaluunniit uunga KNR | Box 1007 | Issortarfimmut 1A | 3900 Nuuk

Tlf. (+299) 361500 | Fax. (+299) 361502

Akineqarusukkuit email allaguk. Inuttut pisinnaatitaaffitit ataqqillugit emailadressit allanut tunniunneq ajorparput
Suna pillugu attaviginiarpitigut?
Oqaatigerusutatit uani allakkit