Kommuninut qinersinerup KNR-ikkut aallakaatinneqarnissaa

Inatsisartunut qinersineq naammassiniariarpat, KNR kommuninut qinersinissat pissanganartut aallakaatitassiarinissaannut saqissaaq.  

KNR qinersisoqartalerneraniit pernaammik Nanortalimmi, Maniitsumi, Aasianni Nuummilu qinersisartunik ataatsimiititsinernit aallakaatitsissaaq.

-  Kommuninut qinersineq najukkani tamani annertuumik pingaaruteqarmat, illoqarfinni minnerusuni soqutigisat qanimut paasisaqarfiginiarlugit, qinersisartunik ataatsimiititsinernit aallakaatitsinnissaq toqqarparput. Innuttaasunik kiffartuussivittut ullormi qinersivimmi ilisimasanik tunngaveqarluni qinersisinnaanissaq anguniarlugu, innuttaasut isumaasa ingerlateqqinneqarnissaat uagut pisussaaffigaarput, taama oqarpoq TV-kkut aallakaatitassiornermi pisortaq KNR-imilu pisortaagallartoq Jan Berg. 

Tamatuma saniatigut apeqqarissaarnerit toqqannartumik KNR2-kkut nutserneqarnissaat KNR-ip innuttaasunut neqeroorutigaa. Taamatuttaaq Facebook aallakaatsitinerni tamani ilaatinneqassaaq.

- Facebook ilanngullugu inatsisartunut qinersinissamut atatillugu aallakaatitsinerni innuttaasut qanimut attavigisinnaasimavagut – tamatuma iluatsilluarnera soorunami aamma kommuninut qinersinissami atorniarneqarpoq, TV-kkut aallakaatitassiornermi pisortaq KNR-imilu pisortaagallartoq Jan Bergoqarpoq.

Sinerissami qinersisartunik ataatsimiititsinerit

Qinersisartunik ataatsimiititsinerni illoqarfiit sisamat KNR-mit toqqaannartumik aallakaatitassiorfiusussat tassaapput: 

Sumiiffik  Ulloq  TV – kalaallisutTV – qallunaatutRadio 
Nanortallip timer-
sortarfia
16.martsnal. 13:30 – 15.3015:45 – 17:0013:30 – 17:00 
Maniitsup timer-
sortarfia
20.martsnal. 19:30 – 21.30 21:45 – 23:0019:30 – 23:00
Aasiaanni timer-
sortarfik 
23.martsnal. 13:30 – 15.3015:45 – 17:00  13:30– 17:00
Nuummi GU-p 
timersortarfia  
30.marts nal. 13:30 – 15.3015:45 – 17:0013:30 – 17:00

Inatsisartunut kommuninullu qinersinissat imminnut qanippallaarnerat pissutigalugu, qinersisartunik ataatsimiititsinernik TV-kkut aallakaatitassanik annertuunik KNR aaqqissuussisinnaasimanngilaq.  Tamannali KNR-radio-p qinersisartunik ataatsimiititsinernut aaqqissuussisinnaaneranut periarfissiivoq. Ataatsimiinnerit annikinnerugaluamik TV-kkut aamma aallakaatinneqassapput.  

Qinersisartunik ataatsimiititsinerni tamani partiit marlukkaartunik pingasunik aallartitaqarsinnaapput. Qinersisartunik ataatsimiititsinerni oqallinnerit Jørgen Semionsen-imit, Stine Skifte-mit Lis Jokumsen-imillu aqunneqassapput. 

Partiit imminnut ilisaritinnerat

Partiit qinigassanngortitsisinnaasut namminneq suliaminnik minutsini qulini ilisarititsissummik aallakaatitsinissamut periarfissaqarput, tamatuma kingorna kommunini sisamaasuni partiit tamarmik aallartitaannik ataatsimik apeqqarissaarfigineqartussamik KNR qaaqqusivoq.  

Partiit imminnut ilisarititsissutaat marsip 24-aniit 29.-anut aallakaatinneqassapput: 

UlloqPartiiTV - kalaallisutTV - qallunaatutRadio
24. marts
Kattusseqatigiit Partiiat
19:30 – 20:4520:50 – 21.3521:40 – 22:40
25. martsDemokraatit  19:30 – 20:4520:50 – 21.3521:40 – 22:40
26. martsParti Inuit 19:30 – 20:45 20:50 – 21.35 21:40 – 22:40
27. marts Siumut19:30 – 20:4520:50 – 21.3521:40 – 22:40
28. marts Atassut19:30 – 20:4520:50 – 21.3521:40 – 22:40
29. martsIA19:30 – 20:4520:50 – 21.3521:40 – 22:40

Partiit siulittaasuisa apeqqarissaarfigineqarnerat

Qinersinermut atatillugu aallakaatitsinerit partiit siulittaasuisa marsip 31-ani qinersineq sioqqullugu, naggataamik aalajangiisuusussamillu partiit siulittaasuisa arfinillit oqallitsinneqarnerannik aamma ilaqarpoq. Siullermik nal. 19:30-miit 21:00 –imut kalaallisut kingornalu 21:05-imiit 22:05-imut qallunaatut.  Unnuk qinersivik  Apriilip aappaani unnuk qinersivimmi KNR Nuummi TV-kkut aallakaatitsivimmiit toqqaannartumik aallakaatitsissaaq. Nal. 20.00 qinersiviit matuniariarpata, qinersinermut atatillugu aallakaatitsivik ammarneqassaaq tassanilu Arnaq Nielsen Mikkel Bjarnø Lund-ilu unnuup qinersiviup ingerlaneranik malinnatitsissapput.

- Nunap immikkoortuinit sinerissamilu illoqarfinnit annerusunit toqqaannartumik ilanngutassiat annertuut, partiit katerisimaarfiini tusagassiat, Nuummi inimi aallakaatitsivimmi isersimasut oqaasiinik immiussanik akoorlugit isiginnaartunut neqeroorutaassapput. Soorunalumi qinersivinnit ataasiakkaanit kisitsinerit malinnaaffigalugit nalunaaruteqartassaagut, KNR-ip nutaarsiassiiviani pisortaq, Mikkel Bjarnø Lund oqarpoq. 

Aallakaatitsinissat taaneqareersut saniatigut qinersineq KNR-imi Qanoruukkut radiokkullu nutaarsiassiinermi atituumik ilanngussivigineqassaaq. 

Attaveqarfissat 

Paasissutissat sukumiinerusut: 

- KNR-ip nutaarsiassiiviani pisortaq, Mikkel Bjarnø Lund TV-kkut aallakaatitassiornermi pisortaq KNR-imilu pisortaagallartoq Jan Berg attavigalugit pissarsiarineqarsinnaapput.