WWF: Qilalukkat qernertat aarrillu piujuaannartitsinissaq tunngaviginagu piniagaapput
Pinngortitaleriffiup aamma nunat Naalagaaffiit Peqatigiit uumasut naasullu nungutaanissamut ulorianartorsiortut pillugit isumaqatigiissutaannut CITES-imut ilaasut nalunaarutaannut qisuariaateqarluni Pinngortitaq pillugu nunarsuaq tamakkerlugu suliniaqatigiiffik WWF taama nalunaaruteqarpoq.
Nunatsinni qilalukkanik qeqertanik aarrinillu piniarneq ukiuni arlalinni pitsaasumik ingerlasimavoq. Pinngortitaleriffiulli maanna erseqqissaatigaa uumassusilinnik ilisimatuut siunnersuinerat qaangerlugu 2013-2015-imi pisassiissuteqartoqartoq. Tamannalu WWF-ip ernumanartoqartippaa.
- Kalaallit Nunaanni piniakkanik aqutsinerup ukiuni makkunani allanngornera ajoraluartumik takusinnaavarput. Piujuaannartitsinissaq tunngaviginagu piniartoqarnera uumasoqassutsimut takornariartitsisullu tammajuitsussanik tuniniaanissaannut ajoqutaaginnarani aamma Kalaallit Nunaata isigineqarneranik innarliivoq, Kaare Winther Hansen WWF-ip Nuummi immikkoortortaqarfianeersoq taama oqarpoq.
Aarrineersunik nioqqutissanik avammut nioqquteqarneq Naalakkersuisut unitsikkallarpaat, WWF-ili isumaqarpoq aarrinik pisassiissutit ikilisinneqartariaqartut.
