WWF-mi qullersaq nutaaq

Pinngortitaq pillugu nunarsuaq tamakkerlugu suliniaqatigiiffiup WWF-ip Danmarkimi immikkoortortaqarfia marsip aallaqqaataani nutaamik qullersaqalissaaq.

Allattoq Helle Nørrelund Sørensen

februaarip 27-at 2017 07:30

Nutserisoq Simon Uldum -

47-nik ukiulik Bo Øksnebjerg, uumassusilinnik ilisimatuutut Københavnip Universitetiani ilinniarsimasoq avatangiisit pillugit suliniaqatigiiffik siuttuuffigilissavaa, aviisi Politiken taama allaaserisaqarpoq.

Bo Øksnebjergili attaveqaqatigiinnermik maannamut suliaqarnerusimavoq. Danmarkimi Hill+ Knowlton Strategiesimi ullumikkut pisortaaneruvoq siornatigullu ilaatigut Novozymesimi Cowimilu atorfeqarsimalluni.

AAMMA ATUARUK WWF Nuummi allaffittaalersoq

Bo Øksnebjergip WWF-ip Danmarkimi immikkoortortaqarfiani qullersanngoruni politikerit nakkutigilluassallugit Politikenimut oqaatigaa.

- Silap pissusia oqallisigineqartupilussuuvoq, aamma politikerit akornanni, ajornartorsiuterpassuilli allat, soorlu imaviit qanoq innerat uumasullu nungutaasarnerat aamma sammineqartariaqarput, ajornartorsiutimmi taakku annertuupilussuugaluartut politikerit innuttaasullu akornanni sammineqarpallaanngillat.

Bo Øksnebjergip Gitte Seeberg siorna juunip qaammataani atorfimminut soraartoq taarsissavaa.

WWF-mi qullersaq nutaaq

Aamma atuaruk