ASSIT Volleyballimik GM-ertoqarnerani AVI aamma GSS pissartanngortut

Nunatsinni pissartanngorniunnerit assigiinngitsut poorskip nalaani ingerlanneqarput. Maniitsumi volleyballimik pissartanngorniunneq taakkununnga ilaavoq.

Unammiartortullu tikisinnissaat timmisartoq sila pissutaalluni kinguaattooraluartoq, unamminerit iluatsittut, Nunatsinni volleyballertartut kattuffianni siulittaasoq oqarpoq:

- Avannaaninngaanniit tikittussat sila pissutaalluni eqqugaapput dommerissallu Nuumminngaanneersut atortutigut ajornartoorfimmi eqqugaapput, Nunatsinni volleyballertartut kattuffiani siulittaasoq, Jonas Meincke, taama oqarpoq.

Unammiallu pissartanngorniunnernut peqataaniassammata kattuffik angallammik, Nuummit Maniitsumut ingerlasussamik, attartorpoq.

Angutini AVI Maniitsumeersut pissartanngorput arnanilu GSS Nuummeersut pissartanngorlutik.

Timersoqataasartulli ikiligaluttuinnarneri ulluni makkunani unammillernartoq, siulittaasoq oqarpoq. Unamminernimi arnani angutinilu eqimattat sisamaannaat ukioq manna peqataapput. Siornatigut aqqanillit peqataasarsimapput.

Kattuffillu pitsaasumik ineriartorusuppoq. Timersortartunillu nutaanik timersuummik pilerinarsaarusulluni kattuffik nutaamik suleriaasissaliuleruttortoq, siulittaasoq oqarpoq:

- Pitsaaneq anguniarlugu aappaagussamut suliniuteqarpugut, pissanganarnerusumik pitsaanerusumillu angusaqarniarluta, Nunatsinni volleyballertartut kattuffianni siulittaasoq, Jonas Meincke, taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!