Vittup EU pillarusunngilaa
EU Issittumi Siunnersuisoqatigiinni alaatsinaatsutut ilaasortanngunngikkallassaaq. Tupaallaatissaanngitsumik Rusland EUp alaatsinaatsutut ilaasortanngornissaanut akornusiisuuvoq.
Naalagaaffeqatigiit Issittumi Siunnersuisoqatigiinni ataatsimoorluti ktaaseqatigiittarput, aamma Kalaallit Nunaata Danmark Savalimmiullu peqatigalugit Issittumi Siunnersuisoqatigiit amerlineqarnissaat taamalu EU-p alaatsinaatsutut ilaasortanngornissaa tapersersorpaa.
Maani Nunatsinni EU-p puisit amiinik eqqusseqqusinnginnerminut atatillugu sukateriniarnera iluarineqanngeqaaq. Nunanullu allanut tunngasunut Naalakkersuisup erseqqissarpaa tamanna pissutigalugu EU-p tapersersorneqarnera taamaatinneqassanngitsoq.
- Isumagisassatta arlalissuusut taanna ilagiinnarpaat. Taamaattumik puisit amii kisiisa aallaavigalugit EU-p mattunneqarnissa pissusissamisuunngilaq, Vittus Qujaukitsoq oqarpoq.
Taamatulli oqartoqaraluartoq Naalakkersuisut naggueqatigiit Inuit ilaatinneqannginnissaanut atatillugu EU-mut ilungersornertik ingerlatiinnassavaat.
- Soorunami puisit amiinik sammisaqarnerunissamut paasinninnerunissamullu EU kimigiiserfigiuassavarput, Vittus Qujaukitsoq naggasiivoq.