Vittus naalakkersuisunut sisamanngorpat nassuiaassaaq
Vittus Qujaukitsup Politikenimiit apersorneqarnermini Danmark nunatsinnut tunngatillugu anneruniarnerarlugu ilaatigut isornartorsiorpaa, Amerikamiullu Pituffimmiit anisinnissaanik siorasaarlugit.
AAMMA ATUARUK Danmarkip anneruniarnera aserorsaataalluinnarpoq
Naalakkersuisut siulittaasuat Kim Kielsenip Vittus Qujaukitsoq naalakkersuisuuinnassasoq tallimanngormat oqaatigaa, aammali naalakkersuisunut nassuiaanissaa piumasaralugu.
Nassuiaat naalakkersuisuni sisamanngorpat suliarineqassasoq naatsorsuutigineqartoq, nunanut allanut tunngasunut naalakkersuisoqarfimmi pisortaq, Kai Holst Andersen oqarpoq.
AAMMA ATUARUK Ataatsimiititaliap Qujaukitsup nassuiataa tusaatissatut tiguaa
Vittus Qujaukitsoq nunanut allanut tunngasunut sillimaniarnermullu ataatsimiititaliami tallimanngormat isumasioqatigineqarpoq, ataatsimiititaliamilu siulittaasup Ane Hansen Inuit Ataqatigiinniit, Qujaukitsup nassuiaataa tusaatissatut tiguaa, siulittaasulli tulliata Justus Hansenip Demokratineersup, nassuiaat naammaginngilaa.
AAMMA ATUARUK Vittus isumasioqatigiinnissamut aggersarneqarpoq
