Vittus: Silap pissusia pillugu isumaqatigiissut Nunatsinnut pitsaasuunngilaq

- Nangaassuteqarnermut aallaaviuvoq nunatta inuussutissarsiornikkut siunissami aningaasarsiornikkullu ineriartornissaanut nunatta killiliiffigineqarnissaa taanna kissaatiginnginnatsigu, Inuussutissarsiornermut, Suliffeqarnermut, Niuernermut Nunanullu allanut naalakkersuisoq Vittus Qujaukitsoq oqarpoq. 

Aamma atuaruk Silap pissusia pillugu nunani tamalaani isumaqatigiissutaasoq Nunatta peqataaffiginianngilaa

Silap pissusia pillugu isumaqatigiissummut peqataajunnaarnissamut aalajangiineq Inuit Ataqatigiinni siulittaasup Sara Olsvigip ajuusaarutigaa. 

- Taamatulli inississagutta taava aamma pingaaruteqarluinnaqqeqqissaarpoq nunatsinni immitsinnut anguniagassissasugut qaffasissunik, nunatsinni CO2-mik aniatitsinera apparsarlugu, Sara Olsvig oqarpoq, nangillunilu:

Aamma atuaruk Nunatta silap pissusianut tunngatillugu anguniagaqarnissaa WWF-imit ujartorneqartoq

- Silap pissusiata allanngoriartorneranut sermersuarput takussutissatut atorneqartuartillugu, illuatungaatigullu isumaqatigiissutinut peqataanianngikkutta, taava suli erseqqinnerusumik oqarsinnaasariaqarpugut qanoq anguniagaqarnerluta, aammalu qaffasinnerusunik anguniagassittariaqarluta immitsinnut. Taamaaliunngikkutta marloqiusamik inissisimaneq una paatsoornartuusinnaassaaq.

Aamma atuaruk Silap pissusia pillugu isumaqatigiissut nunatsinnut akisusinnaavoq

Taamatullu aalajangiinerup nunatsinni aatsitassarsiornikkut ukiuni aggersuni pilersaartutinik piviusunngortoqarsinnaaneranik ilimasunneq tunngaveqartoq, naalakkersuisup Vittus Qujaukitsup oqaatigaa.

- Taamaasillunilu ukiualunnguit ingerlaneranni ullumikkorniit annerujussuarmik CO2-mik aniatitsisoqalersinnaanera naatsorsuutigaarput. Siunissami, ullumikkumiit, annerusumik CO2-mik aniatitsinissamut nunarput akiligassinneqassappat ineriartornissaminut aningaasarsiornissamut killiliiffigineqartumik, tamanna naapertuuttutut isiginngilarput, Vittus Qujaukitsoq oqarpoq.

Aamma atuaruk COP21-mi Canadap nunap inoqqaavinut tunngasut tamaviaarutigigaluarpai

Aamma atuaruk Lilleholtip Kalaallit Nunaata isumakulunnera paasisinnaavaa

Aamma atuaruk COP 21-imi isumaqatigiissutip nunatsinnut tunngasortaa misissorneqarpoq

Aamma atuaruk Parisimi isumaqatigiissummut Kalaallit Nunaat pituttugaanngilaq

Aamma atuaruk IA-p Demokraatillu isumaqatigiissut iluarisimaarpaat

Aamma atuaruk Vittus: Isumaqatigiissut pakatsinarpoq

Aamma atuaruk Silaannaap kiatsikkiartunnginnissaanut isumaqatigiittoqarpoq