Vittus nutaamik partiiliulersoq
- Namminiilivinnissamut aalajangerniarneq nalornineq uanga annertugigakku nalilersimavara piffissanngortoq ingerlaqqinnissannut, attaviitsoq oqarpoq.
Vittup politikkikkut anguniakkani Siumumit taperserneqanngippata angusinnaanngissorai.
Vittus Qujaukitsoq namminiilivinnissamut ulluleerusuppoq. Tamanna Siumumi qaammatit marluk matuma siorna siulittaasunngorniuunnermi Kim Kielsenimut ajorsarfigisamini aamma oqariartuutigaa.
Siunissarmi? Qujaukitsup nunatsinni partiinut pioreersunut ilanngunniarnani oqaatigaa. Partiimillu nutaamik pilersitserusunnerulluni.
- Tassa nalilersuininni tassunga killiffeqarpunga.
Qujaukitsoq partiimik nutaamik pilersitsiniarnissaminut ilaasortassanik allanik soqutiginnittunik oqaloqatiginnilereerpoq. Pariili nammiilivinnissamik sulissuteqartussaq qaqugu piviusunngussanersoq suli ullulerusunngilaa.