Vittus: Ironbark aatsitassarsionikkut piareersimanerpaasut ilagaat
Nunatta aningaasarsiornikkut ilungersunartumik inissisimanera eqqarsaatigalugu aatsitassarsiornikkut suliniuteqartuni Ironbark piareersimanerpaasut ilagigaat aatsitassaqanermut naalakkersuisoq Vittus Qujaikitsoq oqarpoq.
- Aningaasarsiornikkut suliffiillu pilersinneqartussat eqqarsaatigalugit suliniut pingaartutut isigivarput, aatsitassaqarnermut naalakkersuisoq Vittus Qujaukitsoq oqarpoq.
Aamma atuaruk "Citronen" kinamiut suliffeqarfiannik isumaqatigiissuteqarpoq
Naalakkersuisut aatsitassanik piiajumasunut siornatigut isumaqatiginninniartarsimapput, iluatsingajaannartarluguli, tassa aningaasaliissussaqarneq ajormat. Aatsitassaqarnermut naalakkersuisoq tamatumunnga maanna ernumassuteqanngilaq.
- Soorunami suna tamaat qulakkiivillugu oqartoqarsinnaangilaq, kisianni Ironbarkip nammineq akissuteqarnerani oqariartuutaavoq aningaasalersornissaanut, suliniut piviusunngortinnissaanut, ima siuarsimatigisut aningaasaliinissaq taanna qulakkeersimalluni.
Aamma atuaruk Ironbarkip royaltymik akiliisussaannginnini aalajangiusimaannarpaa
Zinkip akia apparnavianngitsoq, immaqali aamma qaffassasoq, Kinami aningaasaleerusuttut naapikkamigit oqaluttuunneqarsimalluni Ironbarkip pisortaata Jonathan Downesip Nuummi ataatsimiittoqarmat oqaluttuaraa.
Akit allanngorujussuanngippata Naalakkeruisut suliniutip piviusunngornissaa neriuutigaat.
- Taamaattumik allanik annertuunik soorlu silarsuarmi akit annertoorujussuarmik nikeriaateqassanngippata suliniut piviusunngornissaa soorunami naalakkersuisunit neriuutigaarput, aatsitassaqarnermut naalakkersuisoq Vittus Qujaukitsoq taama oqarpoq.
Aamma atuaruk Ironbark zinkimik aqerlumillu piiaariaannanngortoq
Taassuma neriorsuutigaa aatsitassarsiortoqassagaluarpat peqqissuseq, avatangiisit isumannaallisaanerlu aatsitassanut inatsimmi qitiusuusut qasukkaaniarnatik.
Kangerlussuarmi, Sisimiuni, Ilulissanilu innutatasunik ataatsimiititsinissaagaluit anoræerpallaarnera peqqutigalugu taamatinneqarput.
