Assi: Departementet for Udenrigsanliggender

Vittup maalaaruteqarnera Informationip 'quianaannartuuneraraa'

Pisoq ‘quianaannartoq’. Vittus Qujaukitsup Danmark pillugu Naalagaaffiit Peqatigiinnut maalaaruteqarnera Naalakkersuisullu tamatuminnga tunuartitsinerat, Danmarkimi aviisip Informationip tallimanngornermi allaaserisamini pingaarnermi taama taava.

- Avataanit isigalugu, allaanngilaq angutip isumaalliorluni sikkilinik orluneranik takunnittuulluni, taamatullu pisoqarnera illuatungeriit aamma misigisimasariaqanngikkaluaraat, aviisi taama allappoq.

Aviisilu naapertorlugu taamatut pisoqarnera Nunatsinni naalakkersuinikkut ingerlatsinerup aaqqissuulluagaannginneranik ersersitsigaluartoq, Naalagaaffiit Peqatigiinnut maalaarutip tunuartinneqarnera aamma Nunatta Danmarkillu akornanni pissutsit misissorneqarnissaannik pissutissaqartitsilerpoq.

Pingaartumik amerikamiut Nunatsinni sakkutooqarfigisimasaanni eqqakkat Pituffimmilu kiffartuussinissamik isumaqatigiissutip annaaneqarnerata kingorna.

- Kalaallit Nunaata oqaluttuarisaanermi pisimasut tunngavigalugit anusinnguumalluni Danmarkip USA-mut atassuteqarnini pingaarnerutinnagu Kalaallit Nunaata soqutigisaanik isumaginninnissaa tatiginngilaa, Information allaaserisamini pingaarnermi taama allappoq.

- Taamaammat Naalagaaffiit Peqatigiit illuatungeriinnik isumaqatigiissitsiniaraluarpat taamaaliunngiukkaluarpalluunniit, Danmarkip Kalaallit Nunaatalu tatigeqatigiiffiunerusumik suleqatigiinnermik pilersitsinissaat pissutissaqarluinnarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!