Vikarit unitsinneqassanngillat
Narsap kommuneani ilinniartitsisunut taartaasoqartarneq tassa vikareqartarneq aningaasassaaleqineq pissutigalugu unitsinniarneqartoq unitsinneqassanngilaq. Taama oqarpoq Narsap kommuneani kultureqarnermut ilinniartitaanermullu ataatsimiititaliap siulittaasua Steen Ole Jensen. Taanna oqarpoq vikareqartarnerup unitsinneqannginnissaa maanna sulissutigineqartoq:
- Vikaareqartarnerup unitsinneqarnissaa aatsaat sapaatiummat tusarpara, taamaariarmallu immikkut ataatsimiisitsinissaq ualimut ingerlasussanngorlugu aggersaavunga. Taama oqarpoq Narsap kommuneani kultooreqarnermut ataatsimiisitaliami siulittaasoq Steen Ole Jensen.
Steen Ole Jensen-ip aamma oqaatigaa, vikaareqartitsinissamut aningaasat suli nungussimanngitsut, oktoberillu 11-ani kommunalbestyrelsep ataatsimiinnissaanut aningaasanik immikkut qinnuteqarpugut, qinnutigisattalu akuerineqarnissaat naatsorsuutigaara.
Taama oqarpoq, Narsap kommuneani kultooreqarnermut ataatsimiisitaliami siulittaasoq, Steen Ole Jensen.
