Video: Unammeriaatsini alutornartuni unammersuartut
Timersuummi arctic sportsimi unammeriaatsit ilaat eqaalluinnartuunissamik nukittuujunissamillu piumasaqaatitaqarput. Unammeriaatsilli allat pinertussutsinik allarluinnarnik piumasaqaatitaqarput.
Tamakku ilagaat mattattullaqqinneqqusaanneq isiginnaartunit assut alutorsaatigineqartoq. Tassani Frederik Petersen ajugaavoq minutsi missaliuinnarlugu imminut sassaalliutigineqartut nungukkamigit. Jørgen Kristensen minutsi sinnerlugu aqqalaanneruvoq. Siivartinnguaq Samuelsen aqqalanerit pingajoraat.
Arctic sportsimi unammeriaatsit ilisimaneqarnerusut aamma unammissutigineqarput. Arctic Winter Gamesimi eqitarnermi pissartaq Minik Møller Platou suli assagilluinnartuunerminik takutitsivoq finalemi Gert Møller ajugaaffigalugu eqitaq qaqorsaammik pujassagaq eqitaramikku. Siornatigut Arctic Winter Gamesimi ujaminnannikoq Alfred Lindenhann bronzennappoq.
Linki ataaniittoq toorlugu angusat aasinnaavatit.
Mattattuunnermit video aamma isiginnaarsinnaavat.
