VG: Takornariartitsiveqalernissaq isumaqatigaarput
Tikeraat ornittagaannik takornariartitsivinnillu pilersitsinissamik siunnersuut pillugu takornarianik suliaqartut isummersuutaanik Naalakkersuit paasinniluarsimapput.
Aamma atuaruk takornarianut-sullissiviliortoqarnissaa-apeqquserneqartoq
Aamma atuaruk qujaukitsoq-nuna-tamakkerlugu-takornariat-ornigarfissaannik-pilersitserusuppoq
Siunnersuut siullermik juullip nalaani tusarniaassutigineqarmat, Visit Greenland takornarialerisunik arlalinnik oqaloqatereerluni isorinnittumik akissuteqarpoq.
Tikeraat ornittagaannik pilersitsinermi ilisimasanik misigineqarsinnaasunillu nutaanik siammaarterinissamut iluaqutaassammat, Visit Greenlandimit tapersersorneqarpoq.
Taamaattorli Namminersorlutik Oqartussat pigisaannik aningaasalersugaannillu namminersortunullu unammillerlernissaq takornarialerisunit isumaqatigineqanngilaq.
Takornariaqartitsisut isornartorsiutaat tunniunneqartut
Naalakkersuisut siunnersuutaat Namminersorlutik Oqartussani atorfilinnut utertinneqarput, takornarialerisut isornartorsiutaat isiginiarneqarluarsimapput.
Takornarianut siunnersuisoqatigiit isummernerat nersualaarinninnerulersimavoq.
- Inatsisissatut siunnersuummit siullermik saqqummiunneqartumit pitsaanerujussuuvoq, Visit Greenlandip siulersuisuini siulittaasoq, Kenneth Høegh KNR-mut oqarpoq.
Tikeraat ornittagaannik pilersitsisoqarpat, Namminersorlutik Oqartussat takornarialerisullu unammilleqatigiilersinnaanerat tusarniaanermi siullermi isornartissimagitsik, Kenneth Høegh nassuiaavoq.
Assersuutitgalugu neriniartarfinnik tammajuitsusarsiniartarfinnillu pilersitsinissamik siunnersuutigineqartoq peerneqarsimammat, Naalakkersuisut Visit Greenlandimit tapersersorneqarnissaq naatsorsuutigisinnaavaat.
Aamma atuaruk ilulissat-kangiat-pillugu-ilisimatusarfittaassaq-piviusunngoraluttualersoq
- Siunnersuut Namminersorlutik Oqartussat pigisaasa sullissinissamik neqerooruteqartarnissannik ilaqarunnaammat, Visit Greenlandip tapersersorpaa.