Vega Sagittariusip usii agguaanneqartussanngorput

Umiarsuaq assartuut, Vega Sagittarius, Nuup avataani aggustip ulluisa 16-ianni ikkarlippoq, Royal Arctic Linelu usinik unerartitanik tigusinissaminut maanna akuerineqarpoq. Royal Arctic Line tusagassiuutinut taama nalunaaruteqarpoq.
Allattoq Carla Davidsen
septembarip 19-at 2012 07:04

Umiarsuaq, 11.000 tonsit sinnerlugit oqimaassusilik, una qaammat aallartilaartoq aatsaat kalinneqarpoq, maannalu Europap avannarpasissuaniippoq, ajoquserneri iluarsaanneqassallutik.

Umiarsuaq kalinneqareermat containererit tyskit umiiartoqarsimatillugu misissuisartuannut, inatsisilerituutut immaqa taaneqarsinnaasumut, tunniunneqarput.

Usilli tiguneqarsinnaalernerat misissuisartup tassa maanna aatsaat akuersissutigaa. Containerit qaammatip ataatsip matuma siorna apuuffissaminnut tikereertussaagaluarput.

- Tyskit umiiartoqarsimatillugu misissuisartuannik isumaqatigiissuteqarniarneq sivisullunilu pisariusimavoq, assullu nuannaarutigaarput containerit usillu maanna tigusinnaanngoratsigik. Sukangasuumik suleriaaseqarneq pissutaalluni tyskit umiiartoqarsimatillugu misissuisartuannik suleqateqarniarneq oqimaassimavoq. Usit ilai tunniunneqarnissamut ajoraluartumik suli akuerineqanngillat, ajutooruteqarnermut immikkoortortaqarfimmi Royal Arctic Line-imi allaffimmi pisortaq, Dora Drechsel, oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq