Uummannatoqqami avatangiisinik saliinerup killiffia Antuup paaserusukkaa
Pituffiup eqqaani Uummannami avatangiisinik saliinerup killiffia Anthon Frederiksenip Partii Naleqqameersup paaserusuppaa. Taamaammat killiffik paasiniarlugu Naalakkersuisunut allakkatigut apeqquteqaateqarpoq.
Allattoq Niels Krogh Søndergaard
Nutserisoq Simon Uldum -
Danskit naalagaaffiata Uummannap eqqaani pinngortitamik avatangiisinillu saliinissamut qinigaaffimmi 2009-mit 2013-imut 40 millionit koruuninik aningaasaliissuteqarsimanerat Anthon Frederiksenip innersuussutigaa.
- Saliinermut atatillugu malinnaatitsineq qanoq ingerlanneqarpa? Inatsisartunut ilaasortaq aamma aperivoq.
- Saliinissamut piareersaatit 2009-13-imi aallartinneqarput. Taamaammat suliap sumut killinnera assut paaserusunnarpoq aammalu suliamik malinnaatitsinermut tunngasut ilanngullugit, Anthon Frederiksen Naalaakkersuisunut allakkamini taama allappoq.