Uuliasiortitseqatigiiffiit pilerisaarneqarput
Nittaarsaassinermut atatillugu, Aatsitassanut Ikummatissanullu Naalakkersuisoq Múte Bourup Egede Londonimiippoq, Aatsitassanut Ikummatissanullu Naalakkersuisoqarfimmit aallartitat nittarsaassinermi peqataapput.
AAMMA ATUARUK EU-p Issittumi uuliasiornissap inerteqqutiginissaa taperseraa
Nittarsaassisoqarnerani uuliasiortitseqatigiiffiit soqutiginnittut neqeroortitsinissat pillugit paasissutissinneqarput kiisalu Kalaallit Nunaanni uuliasiornermut periarfissanik nalinginnaasunik paasissutissinneqarlutik.
Naalakkersuisut tusagassiuutinut nalunaaruteqarlutik taama allapput.
Aatsitassanut Naalakkersuisup erseqqissaatigaa, Kalaallit Nunaat uuliasiornermut aningaasaliiumasunut uuliasiortitseqatigiiffinnullu uuliasiornissamik kissaateqartunut ammasoq.
- Nunatsinni nunap sananeqaataanik ilisimasanik siaruarterinissarput pingaaruteqarpoq. Aningaasaliisinnaasut uuliasiortitseqatigiiffiillu arlallit Kalaallit Nunaata iluaqutigineqanngitsunik uuliaqarfissuaqarsinnaaneranik eqqummaariffeqalernissaat tamatuma nassatarissavaa, Aatsitassanut Ikummatissanullu Naalakkersuisoq Múte Bourup Egede tusagassiuutinut nalunaarummi taama oqarpoq.
AAMMA ATUARUK Uuliasioqatigiiffiit Kitaata imartaanit qimarrattut