Assi: Brian Weed/Flickr Creative Commons

Nunavut: Utoqqaat kaffimik tunisassiorfimmik pilersitsisut

Canadami Iqaluttuutsiami utoqqaat kaffimik tunisassiorfimmik nutaamik pilersitsisimapput.

Kaffimik tunisassiorfimmik pilersitsisoqarnissaanut eqqarsaat kaffisoqatigiittoqarnerata nalaani pinngorpoq. Naggueqatigiit Inuit ingerlataannik kaffimik tunisassiorfimmik pilersitsisoqarnissaa isumassarsiatsialaasoq, naggueqatigiit Inuit arnartaat pingasut oqaatigaat.

Kitekmeoni kulturikkut pikialaartitsiviup pilersaarutit tapersersorpai, tunisassiorfillu Kaapittiaq, Iqaluttuutsiamiinnaanngitsoq, Nunavuulli sinneranut tunisassiortussaq taamaalinerani pilersinneqarluni.

Kitekmeoni kulturikkut pikialaartitsivik, Nunavummilu inuussutissarsiornermut aqutsisoqarfik Kaapittiap pilersinneqarnissaa pillugu aningaasatigut tapersersuipput.

Naggueqatigiilli Inuit ikiorneqaannanngillat, kaffimilli pisiniarfigineqartut Perumeersut aamma ikiorneqarput, Perumi nunap inoqqaavi aamma tapersersorneqarlutik.

Naggueqatigiit Inuit ingerlataannik, nunap inoqqaavinik suleqateqartumik pilersitsisoqarnera tulluusimaarutissaasoq, Kitekmeoni kulturikkut pikialaartitsiviup aqutsisuata Pamela Grossip oqaatigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!