PITUFFIK USA Pituffik pillugu eqqartuussissulersuinernut ilannguttoq
Suliaq USA-mi eqqartuussiviit ilaannut Federal Circuitimut ingerlateqqinneqarpoq. Eqqartuussivik taanna USA-mi eqqartuussiviit qullersaata ataani inissisimavoq.
Aviisi Politiken ullumi taama allaaserisaqarpoq.
AAMMA ATUARUK Pituffimmi kiffartuussinissamik isumaqatigiissut pilerngukkaat
Suliffeqarfiit taamaasillutik maanna pingasut, illersornissaqarfiup saniatigut, imminnut illersornissaqarfimmilluunniit maanna eqqartuussissulersuupput.
Suliassallu eqqartuussivitsigoortut taakku immikkuullarissutut nalilerneqarsinnaasut, inuussutissarsiornermi inatsisilerituup Søren Friis Hansenip, Copenhagen Business Schoolimeersup, oqaatigaa:
- Tukattorujussuuvoq. Allatut oqaatigineqarsinnaagunanngilaq, Friis Hansen Politikenimut oqarpoq.
AAMMA ATUARUK VIDEO Kristian Jensen: USA-mut suli kimigiisertariaqarpugut
Suliariumannittussarsiuussisoqarnerani suliffeqarfiit akisunerpaamik neqerooruteqartut marluk, tassa Copenhagen Arctic Greenland Contractorsillu suliariumannittussarsiuussinermit peersinneqarnissaat, USA-mi illersornissaqarfiup eqqartuussivitsigut suliassanngortitsinermigut neriuutigaa.
Suliffeqarfik Per Aarsleff, suliariumannittussarsiuussinermi akikinnerup aappaattut inissittoq, taamaasilluni kiffartuussinissamik isumaqatigiissusiorfigineqarsinnaalissagunarpoq. Per Aarsleff, Exelis Servicesip kiffartuussinerata atuuttussaajunnaarsinneqarnerata kingorna neqerooruteqartuni akikinnerpaanngorpoq.
Pituffimmik kiffartuussinissamik nutaamik suliariumannittussarsiuussisoqarnissaa, Danmarkimi naalakkersuisut kissaatigaat.
